07.10.2026 | 22:19
Ադրբեջանական իշխանական ԶԼՄ-ն Թուրքիայի մասին կոշտ շեշտադրմամբ հրապարակում է արել՝ հարաբերությունների լարվածության ֆոնին
Ադրբեջանի նոր սադրանքները՝ Վարդենիսի և Սիսիանի ուղղությամբ․ գերիների հարցը՝ ԵԽ օրակարգում․ Լուրեր
Քաղաքականություն
13.05.2021 | 18:21
Պաշտպանության նախարարությունը հայտնում է, որ Մայիսի 13-ին ադրբեջանական զինված ուժերը, կրկին՝ «սահմանների ճշգրտման» հիմնավորմամբ, հերթական սադրանքն է իրականացրել Հայաստանի Հանրապետության ինքնիշխան տարածքի նկատմամբ՝ փորձելով դիրքային առաջխաղացում ապահովել Վարդենիսի և Սիսիանի սահմանային հատվածներում։ Երկու դեպքում էլ ՀՀ զինված ուժերի գործողությունների արդյունքում առաջխաղացումը կասեցվել է, ադրբեջանական կողմին պահանջ է ներկայացվել տարածքն անհապաղ լքելու և իրենց ելման դիրքեր վերադառնալու վերաբերյալ։
—
Եվրոպական խորհրդարանի՝ մայիսի 17-20-ի նստաշրջանի օրակարգում է նաև ռազմագերիների վերաբերյալ հարցը։ Մարդու իրավունքների, ժողովրդավարության և օրենքի գերակայության խախտումների դեպքերի վերաբերյալ քննարկումներում ներառվել է նաև «Հայաստանի և Ադրբեջանի միջև վերջին հակամարտության արդյունքում ռազմագերիների վերաբերյալ» բանաձևի նախագիծը։
—
ՀԱՊԿ-ը հայտարարություն է տարածել Սյունիքի ուղղությամբ ադրբեջանցիների ձեռնարկած սադրանքի վերաբերյալ։ Կազմակերպությունը հայտնել է, որ ուշադրությամբ հետևում է Հայաստանի Սյունիքի մարզի սահմանամերձ շրջաններում իրադրության զարգացմանը: Իրադրության զարգացմանը զուգընթաց, անհրաժեշտության դեպքում, գործողություններ կձեռնարկվեն՝ Հավաքական անվտանգության պայմանագրի և ՀԱՊԿ կանոնադրության դրույթներին համապատասխան։
—
Առողջապահության նախարարությունից հայտնել են, որ Սիսիանում արձանագրված աղիքային վարակը հայտնաբերվել է 370 մարդու մոտ։ Պարզվել է, որ պացիենտների կենսանմուշներում հայտնաբերվել են աղիքային ախտածին տարբեր հարուցիչներ, այդ թվում` բակտերիաներ, ինչը բնորոշ է աղիքային վարակիչ հիվանդությունների ջրային գորոծոնով պայմանավորված բռնկումներին:
