30.06.2026 | 16:24
Դոհայում ԱՄՆ-Իրան ուղիղ բանակցություններ չեն անցկացվի
Թուրքական լիրան ամենացածր մակարդակին է հասել՝ նոյեմբերի ռեկորդային նվազագույնից հետո
Տնտեսություն
13.05.2021 | 13:29
Թուրքական լիրան դոլարի համեմատ ամենացածր մակարդակին է հասել՝ անկում գրացելով չորրորդ օրն անընդմեջ։ Այս մասին գրում է Ահվալ գործակալությունը։
Հինգշաբթի այն նվազել է 0․8 տոկոսով՝ մեկ դոլարի դիմաց հասնելով 8․49 լիրայի։ Նշենք, որ թուրքական արժույթը պատմական նվազագույնին էր հասել անցյալ տարվա նոյեմբերին՝ 8․58 լիրա՝ մեկ դոլարի դիմաց։
Թուրքիական լիրան սկսեց արժեզրկվել նախագահ Ռեջեփ Թայիփ Էրդողանի կողմից Կենտրոնական բանկի նախագահին աշխատանքից հեռացնելուց հետո։ Դրանից հետո բանկը տոկոսադրույքները պահում է 19 տոկոսի սահմաններում։
«Կոնսենսուսն ավելի է տատանվում թուրքական լիրայի շուրջ, որոշ շուկաներում սա անվանում են հանդարտություն՝ փոթորկից առաջ»,- ասել է Միջազգային ֆինանսական ինստիտուտի գլխավոր տնտեսագետ Ռոբին Բրուքսը։
Ակնկալվում է, որ տարեվերջին մեկ դոլարի նկատմամբ լիրայի փոխարժեքը կլինի 8․71։
Նշվում է, որ թուրքական լիրան ճնշման է ենթարկվում նաև դոլարի նկատմամբ կանխատեսումների լավացման հետևանքով։
Հիշեցնենք, որ ԱՄՆ նախագահ Ջո Բայդենի կողմից Հայոց ցեղասպանության ճանաչումից հետո թուրքական լիրան ռեկորդային անկում էր գրանցել՝ նվազելով 1․2 տոկոսով։
Էմմա Չոբանյան
