14.01.2026 | 21:27
Թուրքիայի ընդդիմադիր ազգայնական կուսակցության ղեկավարը Պոլսի Հայոց պատրիարքարան է այցելել
Գեղարքունիքում տիրող իրավիճակը ներկայացնում է մարզպետը. ՏԵՍԱՆՅՈՒԹ
Քաղաքականություն
13.05.2021 | 11:21
Սահմանագծի փոփոխությունից հետո Գեղարքունիքում կան վայրեր, որտեղ բնակլիմայական պայմանները շատ բարդ են, ռելիեֆը բարդ է, և որոշ հատվածներում հակառակորդը տեղակայման պրոցես չէր արել, հիմա եղանակային պայմանները փոխվել են, տեղակայման պրոցես է ընթանում: Այս մասին կառավարությունում լրագրողների հետ ճեպազրույցում ասաց Գեղարքունիքի մարզպետ Գնել Սանոսյանը։
«Մեր Զինված ուժերն էլ հետևում է, որպեսզի իրենք իրենց տեղակայման վայրերից հանկարծ առաջ չգան»,- ասաց մարզպետը և վստահեցրեց, որ Հայաստանի պետական սահմանը պահմանվել է:
«Ընդամենը, 1-2 սահմանագիծ կար, որտեղ նստել են իրենք էլ, մերոնք էլ։ Բացարձակ լարվածություն չկա»,- նշեց Սանոսյանը:
Անդրադառնալով հարցին,թե բնակիչները կարո՞ղ են հանգիստ լինել, Սանոսյանը պատասխանեց. «Բնակիչները հիմնականում անհանգիստ են լինում տարածվող կեղծ լուրերի հետևանքով։ Երեկ եղել եմ Վերին Շորժայում, եղել եմ այն հատվածում, որտեղ այդ աշխատանքներն են, և մեր Զինված ուժերը աշխատում են, քարտեզները կան, սա այն նույն պրոցեսն է, որը կար նոյեմբեր–դեկտեմբեր ամիսներին»։
Սոթքի հանքի աշխատանքների վերաբերյալ մարզպետը նշեց, որ հանքն աշխատում է, սակայն կրճատումներ են եղել՝ մոտ 280 հոգի կրճատվել է։
Մանրամասները՝ տեսանյութում:
