17.09.2026 | 11:00
Կառավարության նիստը՝ ՈՒՂԻՂ
«Երկաթե գմբեթն» այլևս չի պաշտպանո՞ւմ. ՀԱՄԱՍ-ի կողմից հրթիռային հարձակումների հետևանքով ավելի շատ իսրայելցի է զոհվել, քան 2014-ի հակամարտության ժամանակ
Քաղաքականություն
13.05.2021 | 11:14
Երկու օրվա ընթացքում ՀԱՄԱՍ-ի կողմից հրթիռային հարձակումների հետևանքով ավելի շատ իսրայելցի է զոհվել, քան նախորդ երկամսյա հակամարտության ժամանակ, որը տեղի էր ունեցել յոթ տարի առաջ. գրում է meduza.io-ն:
Մայիսի 11-ին և 12-ին Գազայի հատվածից պաղեստինյան խմբավորումները ավելի քան 1500 հրթիռ էին արձակել Իսրայելի ուղղությամբ: Դրանցից 130-ը հարվածել են Թել Ավիվում ու արվարձաններում խիտ բնակեցված շրջաններին: Հրթիռների մեծ մասը կա՛մ բաց են թողել կարևոր թիրախները, կա՛մ խոցվել են իսրայելական «Երկաթե գմբեթ» կարճ հեռահարության ՀՕՊ համակարգով: Սակայն ոչ առանց զոհերի. Իսրայելում բախման հետևանքով 7 մարդ է զոհվել է (այս ընթացքում պաղեստինցիների զոհերի թիվը մոտենում է 70-ին):
Իսրայելի կորուստները երկու օրվա ընթացքում գերազանցել են, սակայն, 2014-ին՝ Պաղեստինա-իսրայելական հակամարտության նախորդ մեծ սրացման ընթացքում, Գազայից հրթիռային հարվածների զոհերի թվին. այն ժամանակ հրթիռակոծումից սպանվել էր երկու քաղաքացի:
Նշվում է, որ եթե պաղեստինյան խմբավորումներն առավել մասսայական հարվածներ հասցնեն, ապա Իսրայելի Պաշտպանության ուժերին այլ բան չի մնում, քան արյունալի ցամաքային գործողություն սկսել Գազայում:
Ի՞նչ է «Երկաթե գմբեթը» և ինչպե՞ս է այն գործում:
Դա աշխարհում միակ համակարգն է, որը նախատեսված է ողջ երկրի քաղաքացիական բնակչությանը հուսալիորեն պաշտպանելու համար `փոքր հեռահարության հրթիռների զանգվածային հարձակումներից:
«Երկաթե գմբեթը» այլ երկրներում կարճ հեռավորության հակաօդային պաշտպանության համակարգերից տարբերվում է նրանով, որ այն նախատեսված է ոչ միայն առանձին օբյեկտների (ռազմական կամ ենթակառուցվածքային), այլ ամբողջ քաղաքների և մարզերի պաշտպանության համար:
Սակայն հարց է հնչում՝ եթե «Երկաթե գմբեթն» այդքան արդյունավետ է, ինչու՞ են մարդիկ Իսրայելում մահանում:
