19.05.2026 | 19:33
Արթուրի հեռախոսը անհասկանալի հանգամանքներում անհետացել է, էջերն էլ՝ ջնջվել. փաստաբանը՝ Օսիպյանի մասին
ՌԴ-ում ՀՀ դեսպանատունը զգուշացրել է հյուպատոսական ծառայությունների հետ կապված խաբեությունների մասին
Հասարակություն
10.05.2021 | 16:33
Ռուսաստանում ՀՀ դեսպանատունը զգուշացրել է հյուպատոսական ծառայությունների տրամադրման հետ կապված խաբեությունների մասին։
«Հաղորդում ենք, որ դեսպանատունը պարբերաբար տեղեկություններ է ստանում որոշ անձանց կողմից քաղաքացիներին մոլորության մեջ գցելու մասին՝ նրանց առաջարկելով, այսպես ասած, «միջնորդական ծառայություններ»՝ կապված հյուպատոսական ծառայությունների մատուցման հետ։ Խաբեբաների զոհ չդառնալու համար քաղաքացիների խնդրում ենք չվստահել անձանց, որոնք փորձում են ներկայանել որպես «միջնորդ»։ Նշենք, որ նման փորձերի մասին քաղաքացիներից ստացված տեղեկությունները դիվանագիտական ներկայացուցչությունը ներկայացնում է համապատասխան մարմիններին»,- ասվում է դեսպանության ֆեյսբուքյան էջում հրապարակված հաղորդագրությունում։
Նշվում է, որ ՌԴ տարածքում հյուպատոսական ծառայություններ մատուցվում են բացառապես Մոսկվայում դեսպանության հյուպատոսական ծառայությունում, Սանկտ Պետերբուրգում և Դոնի Ռոստովում Հայաստանի գլխավոր հյուպատոսությունների, դեսպանատան Նովոսիբիրսկի հյուպատոսական բաժնում և Սոչիի հյուպատոսական կետում։
