09.06.2026 | 13:52
ԿԸՀ-ն հրապարակել է քվեարկության արդյունքների արձանագրությունների սկանավորված քաղվածքները
«Դատական համակարգը հասել է նրան, որ ԲԴԽ նախագահի դեմ քրեական գործ է հարուցվել»․ Փաշինյան. ՏԵՍԱՆՅՈՒԹ
Հասարակություն
10.05.2021 | 15:19
ԲԴԽ նախագահի դեմ քրեական գործի հարուցումը, ըստ էության, կապ ունի հենց դատական համակարգի հետ: Պատկերացնո՞ւմ եք՝ ինչ իրադրություն ունենք 2021 թ. ՀՀ-ում. դատական համակարգը, ըստ էության, հասել է նրան, որ դատական համակարգի բարձր օղակներից մեկի դեմ քրեական գործ է հարուցվել: Սա ցույց է տալիս, որ մենք հասել ենք կարևոր նպատակի. դատական համակարգն ինքը պայքարում է դատական համակարգի անկախության և արդարության համար, հայտարարեց ՀՀ վարչապետի պաշտոնակատար Նիկոլ Փաշինյանը:
Նրա խոսքով՝ երբ իշխանությունն ու կառավարությունն են պայքարում դատական համակարգի համար, պարզ է դրա արդյունքը: «ՀՀ պատմության մեջ երբեք այս բարձր ամբիոններից չի պակասել հայտարարությունները, թե կբռնեն, անկախ դատական համակարգը կանկախացնեն: Բայց այսօր մենք գործ ունենք մի իրավիճակի հետ, երբ ԲԴԽ նախագահը գործով մեղադրյալ է»,- ասաց Փաշինյանը՝ հավելելով, որ այդ քրեական գործը նախաձեռնել են հենց դատական համակարգից:
Փաշինյանն անդրադարձավ նաև արդարադատության ոլորտի վերաբերյալ օրենսդրական բարեփոխումներին:
«Օրենսդրական փոփոխությունների տրամաբանությունը եղել է այն, որ հենց դատական համակարգի ներսում կարողանանք հարուցել ինքնամաքրման պրոցես»,- շեշտեց վարչապետիպաշտոնակատարը՝ հիշեցնելով, որ կարգապահական ու էթիկայի հանձնաժողովներ ձևավորվել են հենց դատական համակարգի ներսում, ինչը փաստում է իշխանությունների կամքը՝ ունենալ իրոք անկախ դատական համակարգ:
«2018 թ. չենք տրվել թացը չորի հետ խառնելու գայթակղությանը»,- ասաց Փաշինյանը՝ կարևորելով դատական համակարգում շարունակական բարեփոխումները:
«Մենք ոչ թե ավարտել ենք աշխատանքը, այլ պետք է մեր արածի արդյունքները նկատենք: Եվ մենք, այո՛, շատ կարևոր արդյունքներ այդ ոլորտում ունենք»,- նշեց Փաշինյանը:
Մանրամասները՝ տեսանյութում:
