15.01.2025 | 21:34
Ռուսաստանն օդային հարձակումներ էր ծրագրել Լեհաստանի և այլ երկրների դեմ․ Տուսկ
Պարտքից եկեք չվախենանք, երկրներ կան իրենց ՀՆԱ-ի 200 %-ի չափով պետական պարտք ունեն․ Փաշինյան. ՏԵՍԱՆՅՈՒԹ
Տնտեսություն
10.05.2021 | 15:13
ՀՀ վարչապետի պաշտոնակատար Նիկոլ Փաշինյանը հորդորում է պետական պարտքից չվախենալ. այն երկրի տնտեսության, ապագայի մեջ ներդնելու համար է արվել: Այս մասին ԱԺ հատուկ նիստում հայտարարեց վարչապետի պաշտոնակատար Նիկոլ Փաշինյանը՝ անդրադառնալով «Իմ քայլը»-ի պատգամավոր Մաթևոս Ասատրյանի դիտարկմանը, թե կառավարությանը մեղադրում են պետական պարտքը մեծացնելու մեջ:
Փաշինյանը նշեց, որ աշխարհն անցել է համավարակի միջով, և դժվար կլինի գտնել այնպիսի երկիր, որի արտաքին և պետական պարտքը չի ավելացել: Նրա խոսքով՝ անգամ երկրներ կան, որ
Վարչապետի պաշտոնակատարն առաջարկեց նայել, թե Հայաստանը 2020 թվական ինչ ցուցանիշով է մուտք գործել: Նա հիշեցրեց՝ ՀՀ-ն առաջին անգամ հայտարարել է, որ բյուջետային աջակցության վարկ չի վերցնելու: 2019-ին պետական պարտք – ՀՆԱ ցուցանիշը էականորեն նվազեցրել են՝ հասցնելով 59 տոկոսի:
«Պատերազմից հետո մենք միջազգային շուկայից 750 մլն եվրոբոնդի թողարկում ենք իրականացրել՝ Հայաստանի պատմության համար աննախադեպ ցածր տոկոսով: Պատկերացնո՞ւմ եք կորոնավիրուսից, պատերազմից հետո մենք միջազգային շուկա ենք մտնում և ձեռք ենք բերում միջոցներ՝ պատմական աննախադեպ ցածր տոկոսներով: Սա նշանակում է, որ միջազգային հանրությունը մեր կառավարությանը, մեր երկրին վստահում է: Սա նշանակում է, որ մենք միջազգային գործընկեր ենք»,- ասաց վարչապետի պաշտոնակատարը:
Նա շեշտեց՝ եթե անհրաժեշտություն լինի, կրթության ոլորտում ֆինանսական, ներքին աղբյուրների խնդիր լինի, ապա 1 մլրդ, անգամ 2 մլրդ պարտք էլ պետք է վերցնել և հանրապետությունում լայնածավալ կառուցել մանկապարտեզներ, նախակրթարաններ, ակադեմիական քաղաք, քանի որ դա ներդրում է ապագայի մեջ: «Այդ փողի գինը նվազում է, վաղը կապիտալ ես ունենալու, այդ պարտքը սպասարկես: Նկատի ունեմ՝ պարտքից ընդհանրապես եկեք չվախենանք: Ինչի համար ենք այդ վարկը վերցնում, որ մեր գրպանները լցնենք, թե՞ երկրի տնտեսության, ապագայի մեջ ներդնենք, կրթության ոլորտում ներդնենք»,-ասաց վարչապետի պաշտոնակատարը:
Մանրամասները՝ տեսանյութում:
