07.10.2026 | 23:48
Արթուր Դանիելյանը կալանավորվեց
Դատավորի դեր մի վերցրեք. Դումանյանը՝ Մենուա Սողոմոնյանի քաղաքական միջամտության մասին հարցին. ՏԵՍԱՆՅՈՒԹ
Քաղաքականություն
10.05.2021 | 13:48
ԿԳՄՍ նախարարի պաշտոնակատար Վահրամ Դումանյանը Երևանի պետական համալսարանում հանդիպել է ԵՊՀ գիտական խորհրդի անդամների հետ՝ քննարկելու համալսարանում առկա խնդիրը, այն է՝ Հոգաբարձուների խորհրդի նախագահ ընտրելը:
ԵՊՀ դոցենտ Մենուա Սողոմոնյանը հարց հնչեցրեց կառավարության և ԿԳՄՍՆ կողմից հոգաբարձուների խորհրդի անդամների հրաժարականի վերաբերյալ, մասնավորապես նշելով՝ «Ձեր կողմից նրանց դիմում գրելու և հոգաբարձուների խորհրդի անդամության լիազորությունները դադարեցնելու վերաբերյալ առաջարկ, հորդոր, դիմում եղե՞լ է, թե՞ ոչ, ինչո՞ւ այդ 11 անդամների դիմումները նույնաբովանդակ էին, ինչո՞ւ Փաշինյանին հասեցագրված դիմումները հոգաբարձուների խորհրդի մյուս անդամներին ծանուցվել են ձեր խորհրդականի կողմից»։
Դումանյանն արձագանքեց. «Հասկանում եմ ձեր հետաքրքրասիրությունը, գաղափարը ո՞ր պահին ծնվեց, ո՞ւմ մոտ ծնվեց։ Համարեք, որ, այո, գաղափարն իմն է եղել, որ ինչպես կարելի է նոր խորհուրդ ձևավորել։
«Դա քաղաքական միջամտություն է, պարոն Դումանյան»,- ասաց Սողոմոնյանը։
«Դատավորի դեր մի վերցրեք։ Ասում եմ՝ համարեք։ Ես միշտ ունեմ կարծիքի իրավունք։ Որևէ մեկի վրա ճնշում չի եղել։ Շատ զարմանալի է, որ նույն օրը նույն ժամին 11 հոգի գրում է դիմում։ Բարդ է հասկանա՞լ, որ քննարկում է եղել։ Այո, քննարկում է եղել, ինչ կա զարմանալի։ Ցանկացած որոշում քննարկվում է ցանկացած կազմակերպությունում»,- ասաց Դումանյանը։
Մանրամասները՝ տեսանյութում:
