30.06.2026 | 13:34
Անահիտ Ավանեսյանը Թուրքիա կմեկնի. ՏԵՍԱՆՅՈՒԹ
Հիվանդության պատճառով աշխատանքի չներկայանալու առաջին օրվա համար ևս քաղաքացին կվճարվի․ նախագիծ. ՏԵՍԱՆՅՈՒԹ
Հասարակություն
07.05.2021 | 15:45
«Ժամանակավոր անաշխատունակության և մայրության նպաստների մասին» օրենքում փոփոխությունների նախագիծն առաջին ընթերցմամբ ընդունելու մասին հարցն ԱԺ-ում ներկայացրեց նախագծի համահեղինակ, «Իմ քայլը» խմբակցության պատգամավոր Գևորգ Պապոյանը:
Նրա խոսքով՝ գործող օրենսդրությամբ եթե քաղաքացին տարբեր պատճառներով չի կարողանում ներկայանալ աշխատանքի, նա առաջին օրվա համար վարձատրություն չի ստանում, մնացած օրերի համար ստանում է 80 տոկոսով:
«Նախագծով առաջարկում ենք, որ առաջին օրվա համար քաղաքացին նույնպես ստանա աշխատավարձ՝ 80 տոկոսի չափով: Երկրորդ փոփոխությունն այն է, որ մայրության նպաստի համար էլ մենք որոշակի կանոնակարգում ենք մտցրել, որը պարզեցնում և հստակեցնում է օրենքը: Մասնավորապես, բոլոր այն դեպքերի համար, երբ քաղաքացին մինչև մայրության նպաստի գնալը 12 ամիս նույն աշխատավայրում չէր աշխատել, մենք այդտեղ էլի հստակեցում ենք կատարել, որը հօգուտ Հայաստանի քաղաքացիների է»,- նշեց պատգամավորը:
Մանրամասները՝ տեսանյութում:
