Ի՞նչ կլինի, եթե այդ հատվածում վթար լինի․ մեր քաղաքացուն ձերբակալելու են, գերի՞ դարձնեն․ Թաթոյան. ՏԵՍԱՆՅՈՒԹ

«Շատ վիրավորական և բացահայտ մանիպուլյատիվ էր Ձեր ելույթը»,- դիմելով «Իմ քայլը» խմբակցության պատգամավոր Մարիա Կարապետյանին, այս մասին ԱԺ-ում ՄԻՊ տարեկան զեկույցի քննարկման ժամանակ նշեց Արման Թաթոյանը՝ հավելելով, որ պատգամավորը փորձել է նսեմացնել ՄԻՊ աշխատանքը:

«ՄԻՊ կաշկանդվածության սահմանները թույլ չեն տալիս, որ գնահատականներ տամ: Մենք ամեն օր կապի մեջ ենք մեր գործընկերների հետ։ Տիկի՛ն Կարապետյան, ես միամիտ չեմ, ես աշխատել եմ Կառավարությունում, միջազգային կառույցներում, ՀՀ ՄԻՊ-ն եմ։ Ես բացահայտ հասկանում եմ՝ ինչ է կատարվում, տիկի՛ն Կարապետյան։ Ես որևէ քայլ չեմ կատարում, որը կհակասի մերերկրի արտաքին քաղքակնությանը: Ես ձեզ ասում եմ՝ ադրբեջանցիները սպառնում են, կադաստրային փաստաթղթեր ունեցող մեր բնակիչները զրկվել են իրենց հողատարածքներից, դուք ինձ ասում եք՝ թե ես ամսի 15-ին ասել եմ սահմանազատում, ամսի 17-ին էլ՝ սահմանագծում։ Բա դա եղա՞վ։

Մի հատ գնանք իրար հետ նայենք, էլի, թե սահմանին ինչ է կատարվում։ Դուք գնացե՞լ եք Գորիսից Շուռնուխ կամ Կապանից Ճակատեն հատվածը։ Հարց տվե՞լ եք, թե ինչ տեղի կունենա, եթե ավտովթար լինի հայկական և ռուսական մեքենաների միջև։ Մերոնք նույնիսկ խորհուրդ են տալիս, թե կամաց երթևեկեք, թե չէ ադրբեջանցիները կմտածեն սադրանք է… Հիմա ինձ ասում եք՝ ձայն մի՛ հանիր»,- ներկայացրեց պաշտպանը։

Նա հարց հնչեցրեց, եթե օրինակ՝ Գորիսից Շուռնուխ ճանապարհին վթար եղավ, ՀՀ քաղաքացուն ադրբեջանցիները բերմա՞ն են ենթարկելու, Ադրբեջանի քննչական մարմիննե՞րը պետք է հարցաքննեն։ «Ես մեր արդարադատության նախարարություն նամակ եմ ուղարկել, հարցրել՝ թե ի՞նչ է լինելու նման դեպքերում, բայց այդ մարդիկ էլ չգիտեն՝ ինչ ասեն։ Իսկ նման միջադեպ ամեն օր կարող է տեղի ունենալ… Դուք ձեզ հարց տվե՞լ եք, որ նման դեպք տեղի ունենա, ո՞նց եք գնալու ՀՀ քաղաքացու իրավունքները պաշտպանեք: ԿԿարողանա՞ք պաշտպանել: Տանելու են ձերբակալեն, գերի դարձնե՞ն, ի՞նչ է լինելու. սա կարևորագույն հարց է»,- ասաց պաշտպանը։

Մանրամասները՝ տեսանյութում։