18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Էդ մեդիատեռորի մե՞ջ եք մեղադրում ՄԻՊ-ին․ լո՞ւրջ եք ասում․ Թաթոյանի կոշտ արձագանքը՝ Մարիա Կարապետյանին. ՏԵՍԱՆՅՈՒԹ
Հասարակություն
06.05.2021 | 16:27
Էդ մեդիատեռորի մեջ եք մեղադրո՞ւմ ՄԻՊ-ին: Լուրջ ե՞ք ասում: ԱԺ-ում ՄԻՊ տարեկան զեկույցի քննարկման ժամանակ, անդրադառնալով «Իմ քայլը» խմբակցության պատգամավոր Մարիա Կարապետյանի ելույթին՝ նշեց ՄԻՊ Արման Թաթոյանը:
«Ինչպես հասկանանք այն, որ մարդիկ պատերազմից հետո գտնվում էին տեղեկատվական բլոկադայի մեջ, պետությունը որդեգրել էր չափազանց սխալ քաղաքականություն, անընդհատ ասում էին՝ ոչ մի բան տեղի չի ունենում, ամեն ինչ նորմալ է, արդյունքում ապատեղեկատվություն էր տարածվում: Մարդիկ ապրում են պետական սահմաններին, ադրբեջանցի զինվերականները եկել հասել են այնտեղ, մարդիկ շոկի մեջ են հայտնվել, պետությունը փոխանակ նրանց հետ գնա աշխատի, ոչ միայն աշխատանքներ չի տանում, այլ նաև հայտարարում է, թե ամեն ինչ նորմալ է»,-նշեց ՄԻՊ-ը:
Թաթոյանը նաև ընդգծեց, որ Հանրային հեռուստաընկերությունը դատապարտելի վարքագիծ է ցուցաբերում. «Ամբողջությամբ դարձել է իշխանության մարմինների քարոզիչ: Իմ հայտարարությունները Սյունիքի վերաբերյալ չեն լուսաբանում»: «Խիստ զգուշացնում եմ, որ նրանք անաչառ ինֆորմացիա պետք է տրամադրեն և ոչ թե ՄԻՊ-ի տեղեկություններն աղավաղեն… Չփորձեք աղավաղել ՀՀ ՄԻՊ հայտարարությունները»,- ընդգծեց Թաթոյանը:
Մանրամասները՝ տեսանյութում:
