19.05.2026 | 23:56
Հայաստանի մի շարք հասցեներում էլեկտրաէներգիայի անջատումներ կլինեն
Վերջին շաբաթը մարդկանց արգելվեց գնալ Դադիվանք ուխտի․ ի՞նչ է անում մեր դիվանագիտությունը․ Խառատյան. ՏԵՍԱՆՅՈՒԹ
Մշակույթ
06.05.2021 | 13:19
Արցախի օկուպացված տարածքներում Ադրբեջանի կողմից պաշմամշակութային կոթողները ոչնչացվում և ձևախեղվում են, հստակ ապացույցն է այն, որ համացանցում տարածվող լուսանկարներում Շուշիի Սուրբ Ամենափրկիչ Ղազանչեցոց եկեղեցին արդեն առանց գմբեթի է:
Ազգագրագետ Հրանուշ Խառատյանը «Մշակութային ձևախեղում. ի՞նչ է անում Ադրբեջանը Արցախի օկուպացված տարածքներում» թեմայով առցանց քննարկման ժամանակ նկատեց, որ մեր դիվանագիտությունը պետք է ակտիվ ջանքեր գործադրի. «Ես չգիտեմ Հայաստանի արտգործնախարարությունը այս խնդրի առնչությամբ պաշտոնապես դիմել է թե ոչ, բայց Ադրբեջանը դեռևս ԵԱՀԿ անդամ է»:
«Ադրբեջանը նաև էթնիկ ինքնության ներքին հաստատման քաղաքական խնդիր է լուծում, որը լուրջ հոգեբանական և էթնոսոցիալական ինժիներիայի խնդիր է»,-նշեց ազգագրագետը:
Խառատյանը նշեց, որ ակտիվացում չի տեսնում, որ մեր գերատեսչությունները միջազգային գիտական, հումանիտար և իրավական կառույցներում այս խնդիրը բարձր մակարդակով ներկայացնեն. «Ի՞նչ է անում մեր դիվանագիտությունը, ինչ կարողություններ ունեն՝ հրավիրել մամլո ասուլիսներ, կազմակերպել քննարկումներ»:
«Ընդամենը մեկ շաբաթ առաջ մարդկանց արգելվեց գնալ Դադիվանք ուխտի: Մենք կարող ենք հղում կատարել Պուտինի հովանու ներքո լինելուն, բայց դրա հետ հույս կապել, կարծում եմ, չենք կարող, և սրան պետք է սթափ վերաբերվենք»,- ընդգծեց Խառատյանը:
Մանրամասները՝ տեսանյութում:
