07.10.2026 | 22:19
Ադրբեջանական իշխանական ԶԼՄ-ն Թուրքիայի մասին կոշտ շեշտադրմամբ հրապարակում է արել՝ հարաբերությունների լարվածության ֆոնին
Ոչ մի կերպ թույլ չեն տալիս այդ տարածքներում միջազգային դիտորդական առաքելությունների մուտքը․ Վանյան. ՏԵՍԱՆՅՈՒԹ
Մշակույթ
06.05.2021 | 12:57
Համացանցում տարածվող լուսանկարներում Շուշիի Սուրբ Ամենափրկիչ Ղազանչեցոց եկեղեցին արդեն առանց գմբեթի է: Սա Արցախի օկուպացված տարածքներում Ադրբեջանի կողմից պաշմամշակութային կոթողների ոչնչացման և ձևախեղման հստակ ապացույցն է:
ԿԳՄՍՆ պատմության և մշակույթի հուշարձանների պահպանության վարչության պետ Հարություն Վանյանը «Մշակութային ձևախեղում. ի՞նչ է անում Ադրբեջանը Արցախի օկուպացված տարածքներում» թեմայով առցանց քննարկման ժամանակ ներկայացրեց ԿԳՄՍՆ դիրքորոշումը՝ դատապարտելով Ադրբեջանի քաղաքականությունը և փաստելով, որ Ադրբեջանը շարունակում է հայկական մշակույթը Արցախում ոչնչացնելու հակամարդկային և հակաքաղաքակրթական քաղաքականությունը:
«Միտումնավոր թիրախավորվել են բոլոր վանքերը՝ Ղազանչեցոց եկեղեցին, Կարմիր ժամը, ինչպես նաև արցախյան ազատամարտիկներին նվիրված հուշարձաններն ու խաչքարերը, ձևախեղվում են բնակավայրերի ու հուշարձանների անունները:
Արցախում մինչև 44-օրյա պատերազմը գրանցված էին 4 հազարից ավելի պատմամշակութային հուշարձաններ,որոնցից 1450-ն այժմ գտնվում է Ադրբեջանի կողմից օկուպացված տարածքներում»,- ասաց ԿԳՄՍՆ ներկայացուցիչը:
Վանյանի խոսքով՝ Ադրբեջանը դիտավորյալ արգելափակում է ՅՈՒՆԵՍԿՕ-ի փորձագետների մուտքը դեպի վտանգված հայկական մշակութային ժառանգության վայրեր. «Ոչ մի կերպ թույլ չեն տալիս այդ տարածքներում միջազգային դիտորդական առաքելությունների մուտքը»:
Մանրամասները՝ տեսանյութում:
