17.04.2026 | 23:38
Ավտոերթով պայմանավորված՝ երթևեկությունը որոշ հատվածներում ժամանակավորապես կսահմանափակվի. ՆԳՆ
Միջազգային կառույցներն առաջարկեցին՝ ես, Ադրբեջանի ՄԻՊ-ը կոչ անենք դադարեցնել պատերազմը․արձագանք չկար. ՏԵՍԱՆՅՈՒԹ
Հասարակություն
06.05.2021 | 12:14
Ես անկախ պաշտոնատար անձ եմ, բարձր միջազգային ճանաչված կարգավիճակով, իսկ Ադրբեջանի մարդու իրավունքների հանձնակատարն ունի «B» կարգավիճակ, միջազգային հանրությունը նրան չի ընդունում որպես անկախ մարմին: Այս մաին այսօր խորհրդարանում հայտարարեց ՀՀ ՄԻՊ Արման Թաթոյանը:
«Բացի դրանից՝ նրանք միջազգային կառույցներին զեկույցներ են ներկայացնում, որ այցելել են մեր գերիներին, և ամեն ինչ հիանալի է:
Ես արձագանքեցի Ադրբեջանի մարդու իրավունքների հանձնակատարին՝ նշեցի, որ պատրաստ եմ հանդիպելու նրա հետ: Ես էլի պատրաստ եմ, ոչ մեկի հետ աշխատելու կոմպլեքս չունեմ: Բայց նա միանգամից հայտարարեց, որ «ՀՀ ՄԻՊ-ը էժանագին շոու է կազմակերպել, եթե ուզում է ինձ հետ հանդպել, թող իր իշխանություններին համոզի՝ դեօկուպացնեն Արցախը, հետո նոր կմտածեմ հանդիպման մասին»: Չհասկացա, ես էլ ամբողջ գիշեր չէի քնում, երազում էի՝ ոնց հանդիպեմ իրե՞ն: Ես միջազգային կառույցներին հենց այսպես էլ ասել եմ, և հայտարարություն եմ տարածել վիրավորանքների մասին, և միջազգային հանրության կողմից շատ վատ են ընդունվել այդ վիրավորանքները:
Ինչ վերաբերում է միջազգային կառույցներին, մի քանի անգամ բարձրաստիճան միջազգային կառույցներն ինձ հետ կապվել են և ասել՝ եթե համաձայն եք, Ադրբեջանի ՄԻՊ-ի հետ էլ խոսենք, դուք երկուսով կոչ արեք ձեր երկրներին՝ դադարեցնել ռազմական գործողությունները: Նախ՝ ես վերապահում ունեի, որ Ադրբեջանն է սանձազերծել և իրենք են առաջ տանում, բայց որպես ՄԻՊ, պատրաստակամություն հայտնեցի դիմել մեր կառավարությանը: Ոչ մի արձագանք հետադարձով չի եղել»,- նշեց Թաթոյանը:
Մանրամասները՝ տեսանյութում:
