17.04.2026 | 23:38
Ավտոերթով պայմանավորված՝ երթևեկությունը որոշ հատվածներում ժամանակավորապես կսահմանափակվի. ՆԳՆ
Մենք դեռևս ողջ ենք. Տիգրան Ավինյան. ՏԵՍԱՆՅՈՒԹ
Հասարակություն
06.05.2021 | 11:59
Կառավարության նիստին փոխվարչապետի պաշտոնակատար Տիգրան Ավինյանը անդրադարձավ կորոնավիրուսի համավարակի օրերին ՀՀ-ում կիրառված սահմանափակումներին՝ մեկնաբանելով, թե ինչու 2020 թ. սկզբին Կառավարության և պարետատան գործողությունները կոշտ էին, իսկ հիմա՝ մեղմ:
Ավինյանի խոսքով՝ 2020-ի սկզբին առողջապահական որևէ համակարգ աշխարհում պատրաստ չէր կորոնավիրուսային հիվանդության դեմ պայքարին սարքավորումների, մեթոդաբանության առումով և կոշտ էին նաև տնտեսական սահմանափակումները, իսկ հիմա առողջապահական համակարգն էականորեն պատրաստվել է պայքարին:
«Ձեռք ենք բերել արհեստական շնչառության սարքեր, մեր հիվանդանոցները ամբողջապես վերազինել ենք և հետագայում նաև փուլային հնարավորություն ենք ունեցել մեր կոշտ քաղաքականությունը մեղմացնել: Մեր կոշտ քաղաքականությունը թույլ է տվել չունենալ այն բարձր թվերը, որ ունեցել են այլ երկրներ»,- ասաց Ավինյանը՝ նշելով նաև, որ հիմա հասել ենք մի իրավիճակի, երբ կարող ենք հարկային ռեկորդային թիվ արձանագրել ապրիլի ընթացքում:
Ավինյանը կոչ աչեց բոլոր քաղաքացիներին պատվաստվել.«Դա է այն միջոցը, որով աշխարհը վերջնականապես ցտեսություն է ասելու այս հիվանդությանը: Մենք պատվաստվել ենք, և դեռևս ողջ ենք»:
Մանրամասները՝ տեսանյութում:
