16.12.2025 | 12:03
37-ամյա տղամարդը դանակահարել է հորն ու մորը․ ծնողները մահացել են, որդին ձերբակալվել է
Բաքվում կայացել է «Հարավային գազային միջանցք» նախագծի խորհրդի նիստը
Քաղաքականություն
16.02.2018 | 14:46
Բաքվում կայացել է «Հարավային գազային միջանցք» նախագծի անդամ երկրների 4-րդ համաժողովը. փոխանցում է EH-ն:
Թուրքական «Sabah» թերթի կայքի տեղեկացմամբ՝ բացման խոսքով հանդես եկած Ալիևը ընդգծել է, որ նշված նախագիծը նախատեսված է ոչ միայն Ադրբեջանական, այլև Կասպից ծովի արևելքի երկրների էներգետիկ աղբյուրների համար։ Ալիևի խոսքով՝ տարիներ առաջ Թուրքիայի, Ադրբեջանի և Վրաստանի միջև ձևավորված տարածաշրջանային համագործակցությանը այժմ արդեն այլ երկրներ էլ են միանում։
Նշենք, որ «Հարավային գազային միջանցքն» ընդգրկում է Շահ Դենիզ հանքավայրի 2-րդ հանքահորը, Հարավկովկասյան գազատարը, Տրանսանատոլիական (TANAP) և Տրանսադրիատիկ (TAP) գազատար ուղիները։
Ադրբեջանի նախագահի ներկայացրած տվյալների համաձայն՝ 2017թ․ դրությամբ ավարտվել են Շահ Դենիզ հանքավայրի 2-րդ հանքահորում նախատեսված աշխատանքների 99 տոկոսը, Հարավկովկասյան գազատարի աշխատանքների 95 տոկոսը, TANAP-ի գրեթե 95 տոկոսը և TAP-ի աշխատանքների շուրջ 66 տոկոսը։
Ալիևի խոսքով՝ Ադրբեջանի գազի պաշարները կազմում են ավելի քան 2․6 տրիլիոն խորանարդ մետր, որը վերոնշյալ նախագծերի միջոցով ցանկանում են դուրս բերել համաշխարհային շուկա։
Հավելենք, որ «Հարավային գազային միջանցք» նախագծի խորհրդի նիստին մասնակցել են Եվրամիության, Վրաստանի, Բուլղարիայի, Իտալիայի, ԱՄՆ-ի, Մոնտենեգրոյի, Ալբանիայի, Խորվաթիայի, Հունաստանի, Թուրքմենիայի, Ռումինիայի և Թուրքիայի ներկայացուցիչները։ Թուրքիայից համաժողովին մասնակցել է էներգետիկայի և բնական պաշարների նախարար Բերաթ Ալբայրաքը։
