25.08.2026 | 13:08
Ինչո՞ւ մենակ մնացինք թշնամու հետ, այդ հարցը գուցե Ձե՞զ տաք․ Գալստյանը՝ Փաշինյանին․ ՏԵՍԱՆՅՈՒԹ
Զինծառայող է մահացել․ ՊՆ ղեկավարը՝ ադրբեջանցիների և արավուսցի հովվի միջև միջադեպի մասին․ Լուրեր
Քաղաքականություն
05.05.2021 | 18:15
Մայիսի 4-ին, ժամը 20.00-ի սահմաններում, հարավային ուղղությամբ տեղակայված զորամասերից մեկի մարտական դիրքում, հերթափոխի ընթացքում, ծառայակցի կողմից զենքի օգտագործման կանոնների խախտման հետևանքով արձակված կրակոցից մահացել է ժամկետային զինծառայող, շարքային Արտյոմ Հովիկի Մելքոնյանը։ Կատարվում է քննություն:
—
Պաշտպանության նախարարի պաշտոնակատար Վաղարշակ Հարությունյանը Ազգային ժողովում անդրադարձել է Արավուսի միջադեպին, երբ ադրբեջանցի դիրքապահները քաշքշել են հայ հովվին։ Նա նշել է, որ միջադեպը եղել է այն պատճառով, որ հովիվը մոտեցել է ադրբեջանական դիրքերին։ Նրա խոսքով՝ կարևոր է, որ մահվան դեպքեր չլինեն, իսկ նման դեպքերից խուսափելու համար անհրաժեշտ է բնակիչներին իրազեկել, որ չմոտենան ադրբեջանական դիրքերին։
—
Արցախի Հանրապետության միջազգային ճանաչումը եղել և մնում է օրակարգում։ Այս մասին Մարտակերտի և Շահումյանի բնակիչների հետ հանդիպմանը ասել է Արցախի նախագահ Արայիկ Հարությունյանը։ Նա նշել է, որ Գետավանում, Զարդախաչում, Հաթերքում, Զագլիկում, Չափարում և Ակնաբերդում շարունակվելու է բնակելի տների կառուցումը՝ պատերազմի հետևանքով տեղահանված ընտանիքների համար։
—
Ավտոմեքենաների զույգ համարանիշների գողությունների դեմ պայքարելու համար կառավարությունում և ոստիկանությունում նախագծեր են մշակում։ Այս մասին խորհրդարանում ասել է Տիգրան Ավինյանը։ Նրա խոսքով՝ կա տարբերակ, որի համարանիշները չիպավորվեն, և հնարավոր լինի պարզել նրանց գտնվելու վայրը։
