17.09.2026 | 11:16
Կիևում ռուսական հարձակման հետևանքով տուժել է 16 մարդ, Օդեսայում ՝ բնակելի շենք վնասվել
Հովիվը մոտեցել էր դիրքերին և քաշքշուկ էր եղել․ նախարարի պաշտոնակատարը ՝ Արավուսի միջադեպի մասին. ՏԵՍԱՆՅՈՒԹ
Հասարակություն
05.05.2021 | 17:04
ԱԺ պատգամավոր Սրբուհի Գրիգորյանը հարցուպատասխանի ընթացքում Արավուսի միջադեպի մասին հարց ողղեց ՊՆ պաշտոնակատար Վաղարշակ Հարությունյանին:
«Մեր հովիվը մոտեցել է դիրքերին և քաշքշուկ է եղել, հետո դա հարթվել է, մանրամասնելով Արավուսի միջադեպը՝ նշեց Հարությունյանը:
Նա արձանագրեց, որ Խորհրդային Միության և ճանաչված անկախ Հայաստանի բոլոր սահմաններն ամբողջովին պահպանվում են:
«Կան տեղեր, որ մերոնք 50 մետր առաջ են, տեղեր էլ կան, որ հակառակն է: Դա պայմանավորված է նաև այն հանգամանքով, որ դիրքը հնարավոր չի դնել այնպիսի տեղ, որ ապահովվի անվտանգությունը և վերահսկողությունը: Սահմանային այդ փոփոխությունները շատ փոքր մակերեսով են: Այդ հարցերը պետք է լուծվեն դեմարկացիայի ժամանակ», – ասաց Հարությունյանը:
Պատգամավորը հետաքրքրվեց՝ ի՞նչ է արվում, որ վերոնշյալ դեպքերը բացառվեն և մեր քաղաքացիներն ադրբեջանցի զինվորների կողմից չստորացվեն:
«Ստորացվելու խնդիր չկա, այն առումով, որ դա սահման է: Միջադեպերը լինում են Երևանում, Իջևանում, Նոյեմբերյանում: Իհարկե, որպեսզի դա բացառվի, համապատասխան մարմինները պետք է քաղաքացիներին իրազեկեն, որ այդ դիրքերին պետք չի մոտենալ: Նույն միջադեպերը լինում են նաև իրենց հետ: Սա շփման գծի բնական կյանքն է», – ասաց Հարությունյանը՝ կարևորելով վիրավորների ու զոհերի հանգեցնող միջադեպերի բացակայությունը:
Մանրամասները՝ տեսանյութում:
