31.07.2026 | 23:31
ՀԾԿՀ նախագահը այցելել է «Երևանի ՋԷԿ». քննարկվել են էներգաբլոկի ներկայիս հնարավորությունները
Լուծումներից մեկը չիպերով պետհամարանիշներն են․ Ավինյանը՝ պետհամարանիշների գողությունների մասին. ՏԵՍԱՆՅՈՒԹ
Հասարակություն
05.05.2021 | 17:15
ՀՀ ոստիկանությունը քննարկումներ է իրականացնում ավտոմեքենաների պետհամարանիշների գողության դեպքերը վերացնելու նպատակով: Այս մասին Ազգային ժողովում կառավարության հետ հարցուպատասխանի ընթացքում ասաց ՀՀ փոխվարչապետի պաշտոնակատար Տիգրան Ավինյանը, պատասխանելով «Իմ քայլը» խմբակցության պատգամավոր Գևորգ Պապոյանի հարցին:
«Ոստիկանությունն այլ մարմինների հետ համատեղ ակտիվ աշխատում է այս ուղղությամբ: Մի քանի ուղղությամբ լուծումներ են առաջարկվում: Մի տարբերակը չիպերով պետհամարանիշների տրամադրումն է, որով հնարավոր կլինի դրանց գտնվելու վայրը ֆիքսել, դրան զուգահեռ նաև կխստացվի տվյալ հանցագործության համար նախատեսված պատասխանատվությունը»,- ասաց Ավինյանը:
Փոխվարչապետի պաշտոնակատարը հավելեց, որ քննարկվում է նաև պետհամարանիշերի վերականգնման հնարավորություն ստեղծելու հարցը:
«Ոստիկանությունը, կարծում եմ, հարցի լուծման համար հրատապ ռեժիմով հանդես կգա նախաձեռնությամբ»,- նշեց Տիգրան Ավինյանը:
