30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Ադրբեջանը ոչնչացրել է հայկական գերեզմանոց․ՄԻՊ-ից այցելել են գերությունից երեկ վերադարձածներին․Լուրեր
Քաղաքականություն
05.05.2021 | 15:22
ՄԻՊ ներկայացուցիչներն այցելել են Ադրբեջանում գերությունից երեկ վերադարձած անձանց։ Պաշտպանի ներկայացուցիչները, այդ թվում՝ աշխատակազմի բժիշկը կիրականացնեն նրանց առողջական վիճակի ուսումնասիրություն ու անհրաժեշտ այլ գործողություններ:
—
Ադրբեջանը ոչնչացրել է Մեծ թաղեր գյուղի հայկական գերեզմանոցը: Գերեզմանոցը հիմնվել է 19-րդ դարի սկզբին։ Արբանյակային լուսանկարները ցույց են տալիս, որ այն ամբողջությամբ ոչնչացվել է, առկա են նաև ծանր տեխնիկայի աշխատանքի հետքերը։
—
ՀՀ պաշտպանության նախկին նախարար Միքայել Հարությունյանի մեղադրանքը վերաորակվել է: ՀՔԾ-ից հայտնում են, որ Հարությունյանն այժմ ՀՀ քրեական օրենսգրքի 300.1 հոդվածի (Սահմանադրական կարգը տապալելը) փոխարեն որպես մեղադրյալ է ներգրավվել ՀՀ քրեական օրենսգրքի 309 հոդվածի 3-րդ մասով (Պաշտոնեական լիազորություններն անցնելը, որն անզգուշությամբ առաջացրել է ծանր հետևանքներ։
