11.10.2026 | 19:18
Արարատ Միրզոյանն աշխատանքային այցով կգտնվի Լեհաստանում
«Բացառվում է». Անդրանիկ Քոչարյանը՝ դասալիքների նկատմամբ համաներում հայտարարելու մասին. ՏԵՍԱՆՅՈՒԹ
Քաղաքականություն
05.05.2021 | 14:23
27 տարին լրացած շարքային և 35 տարին լրացած սպայական կազմի՝ զորակոչից խուսափած զինծառայողներիի նկատմամբ կառավարությունը առաջարկում է համաներում կիրառել: Հարցը այսօր ԱԺ պաշտպանության և անվտանգության հարցերի մշտական հանձնաժողովի օրակարգում էր:
Հարցի քննարկման ժամանակ «Լուսավոր Հայաստան» խմբակցության քարտուղար Գևորգ Գորգիսյանը մտահոգություն հայտնեց առ այն, որ «ՀՀ Քրեական օրենսգրքի 327-րդ հոդվածի 3-րդ մասում տրված ձևակերպումը հստակ չէ:
Արդարադատության նախարարի տեղակալ Արմեն Հովհաննիսյանը պարզաբանումներ ներկայացրեց՝ նշելով, որ ՀՀ Քրեական օրենսգրքի 327-րդ հոդվածի 3-րդ մասով քրեական պատասխանատվություն է նախատեսվում, երբ սույն հոդվածի 1-ին կամ 2-րդ մասով նշված արարքը կատարվում է ռազմական դրության ժամանակ, պատերազմի կամ մարտի պարագայում: «Համաներման նպատակն այն է, որ համաներումը կիրառվի սույն հոդվածի 1-ին մասի նկատմամբ, և 3-րդ մասով կիրառվի միայն այն ժամանակ, երբ արարքը կատարվել է ռազմական դրության պայմաններում»,-նշեց Հովհաննիսյանը:
«Այսինքն՝ դասալիքներին համաներում ենք շնորհում, իմ մտահոգությունը սա է»,- արձագանքեց Գորգիսյանը:
«Բացառվում է»,- ընդգծեց ԱԺ պետաիրավական հարցերի մշտական հանձնաժողովի նախագահ Անդրանիկ Քոչարյանը:
Մանրամասները՝ տեսանյութում:
