30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Ականատես եմ եղել՝ ինչպես է Քոչարյանի խորհրդականը գալիս ՔԿՀ՝ «նալոգը» վերցնելու․ Բաբաջանյան. ՏԵՍԱՆՅՈՒԹ
Քաղաքականություն
04.05.2021 | 15:02
«Կարող եմ հաստատապես ասել, որ շատ արդար անձինք կան, որոնք գտնվում են անազատության մեջ, այդ առումով հիմնարար աշխատանք իրականացնելու կարիք կա»,- այս մասին այսօր ԱԺ նիստում ՀՀ քրեական օրենսգրքում փոփոխություն կատարելու մասին օրենքի նախագծի քննարկման ժամանակ իր ելույթում ընդգծեց ԱԺ անկախ պատգամավոր Արման Բաբաջանյանը՝ հակադարձելով վարչապետի պաշտոնակատար Նիկոլ Փաշինյանի հայտարարությանն այն մասին, որ արդար մարդ չկա անազատության մեջ:
Պատգամավորը նաև նկատեց, որ մեծագույն սպառնալիք է նաև այն իրողությունը, որ պետության առաջին դեմքերի դեմ հանցագործություն գործած անձինք դատական համակարգի հովանավորության շնորհիվ գտնվում են ազատության մեջ:
Բաբաջանյանի գնահատմամբ՝ Հայաստանում տապալված է իրավական քաղաքականությունը:
«Ականատես եմ եղել, թե ինչպես է Քոչարյանի խորհրդականը գալիս ՔԿՀ՝ իր ամսական «նալոգը» վերցնելու ՔԿՀ պետից, որն էլ իր հերթին պիտի այդ «նալոգը» հավաքեր ՔԿՀ-ում գտնվող կալանավորներից: Ես տեսել եմ նաև, թե ինչ մեթոդով և ինչ պարբերականությամբ են ՔԿՀ պետերը «վճարումներ» հավաքում իրենց անազատությունը արտոնյալ պայմաններում անցկացնողներից: Այս բարքերը նույն ծավալներով, համոզված եմ, որ չկան, բայց ՔԿՀ-ների ծառայողները դեռ շարունակում են իրենց աշխատանքը, և վստահ եմ, որ ցմահ դատապարտյալներից մինչև ամենամեղմ պատժաչափ ստացած կալանավորներն անհրաժեշտ ուշադրության և բարեփոխումների կարիք ունեն»,- նշեց Բաբաջանյանը:
Մանրամասները՝ տեսանյութում:
