06.07.2026 | 15:28
Պորտուգալիայում, Հունաստանում, Ֆրանսիայում և Իսպանիայում անտառային հրդեհներ են մոլեգնում
Թուրքիայում խստացվել են լիակատար լոքդաունի պայմանները
Քաղաքականություն
04.05.2021 | 14:46
Թուրքիայի իշխանությունները որոշում են կայացրել ընդլայնել սահմանափակումները, որոնք մտցվել են համընդհանուր լոքդաունի շրջանակներում։ Այս մասին հայտնում են թուրքական ԶԼՄ-ները՝ հղում կատարելով երկրի ՆԳՆ-ին։
«Լոքդաունի ժամանակաշրջանում մարդկանց կուտակումներից խուսափելու համար որոշում է կայացվել մայիսի 7-ից թույլատրել խանութներում, այդ թվում նաև՝ ցանցային սուպերմարկետներում միայն սննդամթերքի, հիգիենայի պարագաների, կենդանիների համար նախատեսված կերերի ու կոսմետիկ միջոցների վաճառքը»,- հայտնել են թուրքական գերատեսչությունից։
Նշվում է, որ ալկոհոլի վաճառքի ավելի վաղ սահմանված արգելքին ավելացել է նաև էլեկտրոնիկայի, խաղալիքների, գրենական պիտույքների, հագուստի, մեքենաների համար աքսեսուարների, ամանեղենի, այգեգործական պարագաների վաճառքի արգելքը։
Հիշեցնենք՝ Թուրքիայում լիակատար համազգային լոքդաուն է հայտարարվել ապրիլի 29-ից։
Տաթև Ֆռանգյան
