08.10.2026 | 15:01
Հայտնի է ազատ ոճի ըմբշամարտի Հայաստանի հավաքականի կազմն ԱԱ-ում
ՄԻՊ-ը` գերիների խոշտանգման շուրջ 300 տեսանյութի, Լաքոտը` ԼՂ բանակցությունների վերսկսման մասին.Լուրեր
Քաղաքականություն
04.05.2021 | 12:27
Ադրբեջանական ԶՈՒ-ի կողմից հայ գերիների խոշտանգումները կատարված են էթնիկ ատելության շարժառիթներով: Այս մասին հայտարարություն է տարածել ՄԻՊ Արման Թաթոյանը՝ ամփոփելով խոշտանգումների մասին շուրջ 300 տեսանյութերի ուսումնասիրությունները։
—
ԼՂ հարցում բանակցությունների վերսկսումը համանախագահների գերակա խնդիրն է։ Այս մասին տեղեկացրել է Հայաստանում Ֆրանսիայի դեսպան Ժոնաթան Լաքոտը։ Նա հայտնել է, որ Ֆրանսիայի և Ռուսաստանի նախագահները պայմանավորվել են վերսկսել ջանքերը Մինսկի խմբի շրջանակներում`Լեռնային Ղարաբաղի հակամարտության շուրջ իրավիճակի կայուն կարգավորմանը հասնելու համար: Մոտ ապագայում այս ուղղությամբ կոնկրետ նախաձեռնություններ կձեռնարկվեն։
—
Երևանի Հայրենիք կինոթատրոնի հարակից հրապարակում էստակադայի շինարարության ծրագիրը սառեցված է։ Այս մասին Ֆակտոր-ին հայտնել են Երևանի քաղաքապետարանից։ Նշվում է, որ առաջնահերթության կարգով իրականացվում է Բաբաջանյան-Աշտարակ, Արգավանդ-Շիրակ ճանապարհահատվածների կառուցումը։
