11.10.2026 | 18:49
Թրամփը կրկին հայտարարել է, որ Ռուսաստանն ու Ուկրաինան համաձայնության են եկել էներգետիկ հրադադարի շուրջ
Թուրքիան առանց խմելու ջրի է թողնում Դեյր Էլ Զոր նահանգի բնակիչներին՝ բռնագրավելով Եփրատ գետի ջուրը
Քաղաքականություն
03.05.2021 | 15:32
Սիրիայի արևելքում գտնվող Դեյր Էլ Զոր նահանգում խմելու ջրի երկու կայան շարքից դուրս է եկել Եփրատ գետի մակարդակի խիստ նվազման պատճառով, ինչը տեղի է ունեցել Թուրքիայի կողմից ջրի բռնագրավման պատճառով, գրում է North Press-ը:
«Դեյր Էլ Զորի արևելքում գտնվող և՛ Ալ-Բուսայրա կայանը, և՛ Դեյր Էլ Զորի արևմուտքում գտվող աս-Սավա կայանները շարքից դուրս են եկել Եփրատ գետի ջրի մակարդակի իջեցման պատճառով», – հայտնել է Դեյր Էլ Զորի ջրամբարների քաղաքացիական խորհրդի ներկայացուցիչ Մուհամմադ ալ-Նաջդին։
«Խմելու ու գյուղատնտեսական նշանակության ջրի կայանները կդադարեն գործել, եթե Թուրքիան շարունակի գողանալ Եփրատի ջուրը»,- ասել է նա սիրիական North Press-ին։
Լրատվականը գրում է, որ արդեն 3 ամսից ավելի է՝ Թուրքիան սահմանափակում է Եփրատ գետի ջրի հոսքը դեպի Սիրիա՝ զրկելով մեծ թվով մարդկանց ջրից։ Թուրքիան շարունակաբար նվազեցրել է Եփրատ գետի ջրի հոսքը դեպի Սիրիայի հյուսիս-արևելք՝ այն հասցնելով աննախադեպ ցածր քանակի։
Հավելենք, որ Թուրքիան ջուրը կուտակում է վեց ամբարտակների մեջ, որոնցից ամենամեծը Աթաթուրքի ամբարտակն է, որը մեծությամբ երկրորդն է Մերձավոր Արևելքում՝ 48 միլիարդ մ³ պահեստային հզորությամբ ՝ խախտելով 1987 թվականին Սիրիայի հետ կնքած միջազգային պայմանագիրը, որում ասվում է, որ Թուրքիայից դեպի Սիրիա հոսող ջրի բաժինը պետք է վայրկյանում 500 մ³ լինի:
Տաթև Ֆռանգյան
