18.05.2026 | 19:00
Փաշինյանը չպիտի պրովոկացիաներին տրվի, փայլուն գիտի՝ ՌԴ-ն ինչեր է ծրագրել իր սատելիտ ուժերի միջոցով․ Աղասի Թադևոսյան
«Հայրենիք» կուսակցությունը որոշել է մասնակցել ԱԺ արտահերթ ընտրություններին և սկսել ՀՀԿ-ի հետ դաշինք կազմելու գործընթացը
Քաղաքականություն
01.05.2021 | 12:37
«Հայրենիք» կուսակցությունը հայտարարություն է տարածել, որում մասնավորապես նշվում է, որ հաշվի առնելով ՀՀ-ի առջև ծառացած աշխարհաքաղաքական և ներքաղաքական մարտահրավերները՝ կուսակցության խորհուրդը որոշել է մասնակցել ԱԺ արտահերթ ընտրություններին և սկսել ՀՀԿ-ի հետ դաշինք կազմելու գործընթացը:
«Առաջնորդվելով հանուն հայրենիքի պայքարը համագործակցային մթնոլորտում կազմակերպելու վճռականությամբ և ազգային ուժերի հետ գործակցելու պատրաստականությամբ,
Արձանագրելով, որ «Հայրենիք» կուսակցությունն իր անզիջում ու արմատական պայքարով ճանապարհ է բացել նաև գաղափարական և ազգային այլ ուժերի համար,
Եվ վերջապես՝ հիմնվելով այն համոզմունքի վրա, որ սա պայքար է՝ հանուն անվտանգ ու արժանապատիվ Հայաստանի և Արցախի Հանրապետությունների ապագայի՝ «Հայրենիք» կուսակցության խորհուրդը որոշեց՝
Մասնակցել հնարավոր արտահերթ խորհրդարանական ընտրություններին և սկսել Հայաստանի Հանրապետական կուսակցության հետ դաշինք կազմելու գործընթացը»,- ասված է հաղորդագրությունում:
