17.09.2026 | 13:10
«Հույսը ծրագիր չէ»․ ՄԹ դեսպանը՝ Հայաստանի անվտանգության և դիմակայունության մասին․ ՏԵՍԱՆՅՈՒԹ
Բոլորին պետք է ճամփել տուն, և թող նոր ասելիք ունեցող ուժեր գան. Անի Սամսոնյան. ՏԵՍԱՆՅՈՒԹ
Քաղաքականություն
30.04.2021 | 18:32
Ամեն ինչ պարզ կլինի հունիսի 20-ի ընտրություններից հետո, այս պահին որևէ բան չեմ ուզում կանխատեսել: Այս մասին Factor.am-ի հետ զրույցում նշեց ԱԺ «Լուսավոր Հայաստան» խմբակցության պատգամավոր Անի Սամսոնյանը՝ անդրադառնալով դիտարկմանը, որ իշխանությունը համոզված է, որ մեծ թվով քվեներ է ստանալու և արտահերթ ընտրություններից հետո կրկին խորհրդարանում մեծամասնություն է կազմելու:
«Ես միայն մի բան գիտեմ. մեզ անհրաժեշտ են փոփոխություններ, իսկ այս իշխանության վերարտադրման արդյունքում մենք փոփոխություններ չենք ունենալու, շարունակվելու է այն վիճակը, ինչ-որ կա: Այս իշխանությունը չի կարող անել ավելին, ինչ արել է, պարզապես կարողությունը չկա, և այս իշխանությունից որևէ բան սպասել պետք չէ»,- ասաց Սամսոնյանը:
Հարցին, թե արդյոք որպես իշխանական ուժի այլընտրանք հանրությունը տեսնելու է ԼՀԿ-ին՝ Սամսոնյանը պատասխանեց. «Թե ում կտեսնեն որպես այլընտրանք, դա կախված է քաղաքական ուժերի ներկայացրած առաջարկից և դրևսորած վարքագծից… Հասարակությունն արդեն խեղդվում է «սևերի ու սպիտակների» մասին դիսկուրսում: Ատելություն քարոզող որևէ ուժ բարոյական իրավունք չունի իշխանություն վերցնելու երկրում»:
«Բոլորին պետք է ճամփել տուն, և պետք է գան մարդիկ, ովքեր նոր ասելիք և նոր անելիք ունեն»,- ընդգծեց պատգամավորը:
Մանրամասները՝ տեսանյութում:
