19.05.2026 | 17:35
ԱՀԿ-ն մտահոգված է Կոնգոյում Էբոլայի տարածման «մասշտաբով և արագությամբ». 131 մահվան դեպք է գրանցվել
Նա որպես վարչապետի խորհրդական չի գործել. դատախազը՝ Ա. Վարդապետյանի կողմից քրգործը խմբագրելու մասին. ՏԵՍԱՆՅՈՒԹ
Հասարակություն
30.04.2021 | 16:16
Հանցագործության դեպք չկա. վարչապետի իրավական գծով խորհրդական Աննա Վարդապետյանը որպես վարչապետի խորհրդական չի գործել։ Այս մասին այսօր՝ ապրիլի 30-ին, լրագրողների հետ զրույցում ասաց ՀՀ գլխավոր դատախազ Արթուր Դավթյանը`անդրադառնաով դիտարկմանը, որ Աննա Վարդանյանը քրեական գործերին միջամտում է և խմբագրում, և այդ մասին փաստեր են հրապարակվել:
«Մենք փաստերը անարձագանք չենք թողել։ Ուղարկել ենք վարույթն իրականացնող մարմին, դրանով քրեադատավարական գործընթաց է մի մասով իրականացվել, մի մասով իրականացվում»,- նշեց Դավթյանը։
Լրագրողի այն դիտարկմանը, որ Վարդապետյանը շարունակում է պաշտոնավարել, և, որ արտահոսքի առնչությամբ է քննություն ընթանում, Գլխավոր դատախազն ասաց. «Այն մասով, որով կայացվել է որոշում, մենք գտել ենք, որ այնտեղ հանցագործության դեպք չկա։ Ըստ այդ նյութերով ձեռք բերված փաստական տվյալների՝ նա որպես վարչապետի խորհրդական չի գործել։ Հիմա որ այստեղից քայլենք, դու մոտենաք, ասեք՝ ես այսպիսի մի իրավական խնդիր ունեմ, ես կարող է չզլանամ և ձեզ իրավական խորհրդատվություն տամ»։
Հարցին, թե իր կարծիքով, դա բարի կամքի դրսևորո՞ւմ էր, Արթուր Դավթյանը պատասխանեց. «Այո: Կարգավիճակը չի խոչընդոտում մարդկանց խորհրդատվություն իրականացնելու»։
Մանրամասները՝ տեսանյութում:
