09.08.2026 | 20:32
Իսրայելը մերժել է Գազայի հատվածի վերաբերյալ Թրամփի ծրագիրը
ՄԻՊ առաջարկը՝ Սյունիքի վերաբերյալ. գերիների հարազատների ցույցը՝ ԱԺ-ի դիմաց․ Լուրեր
Քաղաքականություն
30.04.2021 | 15:01
Մարդու իրավունքների պաշտպանի աշխատակազմը վերլուծել է պատերազմում խոշտանգումների 300 տեսանյութ և միջազգային կառույցներին ուղարկել։ Այս մասին Ազգային ժողովում ասել է պաշտպան Արման Թաթոյանը։ Լրագրողների հետ զրույցում էլ նա ներկայացրել է իր առաջարկը՝ Սյունիքի շուրջ անվտանգության գոտի ձևավորելու մասին։
—
Ադրբեջանում պահվող հայ գերիների հարազատները այսօր ակցիա են անցկացրել Ազգայի ժողովի դիմաց։ Նրանք միացել են աշխարհի մի շարք քաղաքներում անցկացվող նույնատիպ ակցիաներին։ Ծնողներից մեկն ասել է, որ ինչքան պրոցեսը երկարում է, իրենք՝ ծնողները, վատատես են դառնում, որ երբևէ կտեսնենք իրենց տղաներին։ Նրանք այլ երկրներին հիշեցնում են իրենց պահանջի մասին՝ վերադարձնել գերիներին։
—
Այսօր վաղ առավոտից հրդեհ է Արամի և Սարյան փողոցների թունելի հատվածում։ Այրվում են բարձրավոլտ լարում ունեցող մալուխները։ Շրջակա թաղամասը հոսանքազրկվել է՝ մարման աշխատանքներ անելու համար։ Հրշեջները Factor TV-ին հայտնել են, որ կրակի մարումը դանդաղում է, քանի որ ջերմաստիճանը շատ բարձր է։ Փրկարարների հրամանատարը հայտնել է, որ հրդեհի մարումից հետո կարիք կլինի փոխել մալուխները՝ էլեկտրամատակարարումը վերականգնելու համար։
