11.12.2024 | 23:30
Թուրքիան Մեծ Բրիտանիայից շահագործումից հանված Super Hercules ռազմատրանսպորտային ինքնաթիռներ կգնի
Ջերմությունը բարձր է, հրշեջները դանդաղ են առաջ գնում, անորոշ է՝ երբ կհանգցնենք հրդեհը․ ԱԻՆ գնդապետ. ՏԵՍԱՆՅՈՒԹ
30.04.2021 | 13:45
«Ապրիլի 30-ին՝ ժամը 07:17-ին, Ճգնաժամային կառավարման ազգային կենտրոն ահազանգ է ստացվել, որ Երևանի Արամի փողոցի թիվ 80 հասցեի մոտակայքում գտնվող թունելից ծուխ է նկատվում:
Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ և հրդեհաշիջման և փրկարարական աշխատանքների կազմակերպման բաժնի հերթապահ խումբը։
Պարզվել է, որ Արամի փողոցի թիվ 80 հասցեի մոտակայքում գտնվող հորանում այրվում են Փոքր Կենտրոն թաղամասը սնուցող հոսանքալարերը։
«Կարճ միացում է տեղի ունեցել, և այրվում են բարձրավոլտ լարման մալուխները: Այս պահին իրականացվում են հրդեհաշիջման աշխատանքներ: Այս պահին աշխատում է 30 փրկարար, հովացման, մարման աշխատանքներ են իրականացվում: Ջերմությունը բարձր է, հրշեջները դանդաղ են առաջ գնում, անորոշ է՝ երբ կհանգցնենք հրդեհը»,- լրագրողների հետ զրույցում նշեց Փրկարար ծառայության գնդապետ Արթուր Ոսկանյանը՝ հավելելով, որ հրդեհը մարելուց հետո հետաքննություն կիրականացվի և կբացահայտվի պատճառը:
Փրկարարների հրամանատարը նաև հայտնեց, որ հրդեհի մարումից հետո կարիք կլինի փոխել մալուխները՝ էլեկտրամատակարարումը վերականգնելու համար։
Մանրամասները՝ տեսանյութում:
