24.06.2026 | 10:42
«Ինձ պիտի օգնեք, որ ես դառնամ համայնքապետ». ՀԿԿ-ն նոր գաղտնալսում է հրապարակել
Թուրքիայի և Բելառուսի միջև համագործակցությունն ընդլայնվում է
Քաղաքականություն
15.02.2018 | 11:59
Թուրքիայի վարչապետ Բինալի Յըլդըրըմը մեկնել է Մինսկ, որտեղ հանդիպել է Բելառուսի վարչապետ Անդրեյ Կոբյակովի հետ. փոխանցում է EH-ն:
Ըստ թուրքական «Haberler» լրատվամիջոցի՝ Թուրքիայի վարչապետի հետ Բելառուս են մեկնել նաև մի քանի նախարարներ, որոնք բելառուսցի իրենց գործընկերների հետ ստորագրել են 6 պայմանագիր։
Մասնավորապես Թուրքիայի տրանսպորտի, կապի և ծովագնացության նախարար Ահմեթ Արսլանը պայմանագիր է ստորագրել Բելառուսի տրանսպորտի և հաղորդակցության նախարար Անատոլիյ Սիվակի հետ։
Թուրքիայի Էկոնոմիկայի նախարար Նիհաթ Զեյբեքչին Բելառուսի փոխարտգործնախարար Օլեգ Կրավչենկոյի հետ ստորագրել է երկկողմանի ներդրումային ծրագրի վերաբերյալ պայմանագիր։
Սպորտում երկու երկրների համագործակցության մասին պայմանագիիրը ստորագրվել է Թուրքիայի սպորտի և երիտասարդության նախարարներ Օսման Աշքըն Բաքըի և Ալեքսանդր Շամկոնի միջև։
Համագործակցության պայմանագիր է ստորագրվել նաև Թուրքիայի ստանդարտների ինստիտուտի (TSE) և Բելառուսի ստանդարտացման պետական կոմիտեի միջև։
Երկու երկրները պայմանագիր են ստորագրել նաև գիտատեխնիկական ոլորտում։ Այն ստորագրվել է Թուրքիայի գիտատեխնիկական հետազոտությունների կենտրոնի (TÜBİTAK) և Բելառուսի Ինովացիոն խորհրդի միջև։
6-րդ համագործակցության պայմանագիրը ստորագրվել է Թուրքիայի և Բելառուսի Ազգային գրադարանների միջև։
