Քաղաքականություն
06.06.2017 | 12:19
ԱՄՆ ռազմական գերատեսչությունը հայտարարել է, որ հեռացրել է Ճապոնական ծովում տեղակայված իր 2 ավիակիրը, սակայն կշարունակի մոնիթորինգի ենթարկել Հյուսիսային Կորեայի քայլերը․ հաղորդում է NHK-ը։
Պենտագոնի ներկայացուցիչը հայտնել է, որ «Կառլ Վինսոն» և «Ռոնալդ Ռեյգան» նավերը հեռացել են եռօրյա զորավարժություններից հետո։ Հայտնի է, որ «Կառլ Վինսոնն» ուղևորվում է Սան Դիեգո (Կալիֆոռնիա)՝ իր մշտական տեղակայման վայր։
Ինչպես ավելի վաղ հայտնել էր Factor.am-ը՝ Հյուսիսային Կորեայի ղեկավար Կիմ Չեն Ընը սպառնացել էր կանխարգելիչ հարված հասցնել ԱՄՆ-ին ու իր քարոզչական տեսահոլովակում ցուցադրել էր ամերիկյան ավիակրի և ԱՄՆ-ի Կապիտոլիումի պայթյունը:
