19.12.2025 | 21:28
Պուտինը՝ Կուպյանսկի գրավման մասին ռուսական հայտարարություններին ֆոնին քաղաքում Զելենսկիի լուսանկարի մասին
Շուկան կատեգորիկ գնալու է դեպի մոնոպոլիա․ Կառավարությունը մերժեց ԱԺ-ի առաջարկները
Քաղաքականություն
28.04.2021 | 16:50
«2019թ. անհրաժեշտություն էր առաջացել միջամտել ցեմենտի շուկային՝ պաշտպանելու համար տեղական արտադրությունը: Մենք որոշեցինք տուրքի նոր չափ սահմանել, ի սկզբանե Կառավարությունն առաջարկում էր 22 հազար դրամ սահմանել ցեմենտի ներմուծման համար և 22 հազար դրամ՝ կլինկերի ներմուծման համար: Նախագիծը քննարկվեց ԱԺ-ում, արդյունքում եկանք եզրակացության, որ ամենաէֆեկտիվն այն ռեժիմն էր, որը գործում էր մինչև անցած տարվա վերջը, այսինքն՝ 14 հազար դրամ տուրք ցեմենտի ներկրման համար, իսկ կլինկերի համար տուրք չներդրվեց»,- այս մասին ԱԺ տնտեսական հարցերի մշտական հանձնաժողովի նիստում «Պետական տուրքի մասին օրենքում լրացում կատարելու մասին» նախագծի քննարկման ժամանակ նշեց հանձնաժողովի նախագահ Բաբկեն Թունյանը:
«Կառավարության որոշմամբ՝ փետրվարից ցեմենտի և կլինկերի ներմուծումն արգելվեց, հետո կլինկերի ներմուծումը թույլատրվեց: Ցեմենտի ներմուծման արգելքը տևեց մինչև ապրիլի 8-ը: Կառավարության նոր որոշմամբ նախատեսվում է ապրիլի 22-ից սկսած՝ նորից արգելել ցեմենտի ներմուծումը:
Ինչպես անել, որ ո՛չ ցեմենտի ներմուծումը տուժի, ո՛չ էլ տեղական արտադրողները սնանկանան»,- նշեց Թունյանը:
Նա նաև համոզմունք հայտնեց, որ Կառավարության առաջարկած նախագծի ընդունման դեպքում շուկան կատեգորիկ գնալու է դեպի մոնոպոլիա:
Մանրամասները՝ տեսանյութում:
