30.06.2026 | 17:00
Թուրքիայի հետ F35-ի գործարքը կախված է ռուսական C-400-ները երրորդ երկրին վաճառելու որոշումից․ Euractiv
Ապրիլի 28-ի դրությամբ՝ ՀՀ-ում 2․641 դեղաչափ պատվաստում է կատարվել․ ԱՆ ՀՎԿԱԿ ներկայացուցիչ. ՏԵՍԱՆՅՈՒԹ
28.04.2021 | 13:11
Հայաստանում կորոնավիրուսային իրավիճակը շարունակում է կայուն լարված մնալ: Այսօր հրավիրված ասուլիսում այս մասին հայտարարեց ԱՆ հիվանդությունների վերահսկման և կանխարգելման ազգային կենտրոնի գլխավոր տնօրենի տեղակալ, Իմունականխարգելման ազգային ծրագրի ղեկավար Գայանե Սահակյանը:
Նա նշեց, որ օրական կտրվածքում դեռ հանրապետությունում գրանցվում է կորոնավիուսով վարակվելու 800-1000 դեպք, մահերի թիվը օրական 10-ից ավելի է:
«Վիրուսի վերարտադրողության ցուցանիշը 1-ի շրջանակում է, իսկ դա նշանակում է, որ վարակի տարածվածության ընդհանուր միտումն առաջիկայում կպահպանվի: Թեպետ, ասեմ, որ հարաբերական կայուն վիճակից մի փոքր նվազում է նկատվում»,- ասաց Գայանե Սահակյանը:
Հիվանդանոցները շարունակում են գերծանրաբեռնված աշխատել: Մեծ թվով բուժհաստատություններ վերապրոֆիլավորվել են՝ կորոնավիրուսով վարակված անձանց բուժօգնություն ցուցաբերելու համար: Եթե կտրուկ շրջադարձ լինի, և նորից դեպքերի թիվը շատանա, ապա, ըստ Գայանե Սահակյանի, պետք է ավելացվի վերապրոֆիլավորված բուժհաստատությունների թիվը:
Սահակյանը տեղեկացրեց, որ ապրիլի 28-ի դրությամբ՝ ՀՀ-ում 2․641 դեղաչափ պատվաստում է կատարվել:
Մանրամասները՝ տեսանյութում:
