19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Սյունիքի սահմանային հատվածներում փշալարեր ու տեսախցիկներ են տեղադրվելու. Արմեն Խաչատրյան. ՏԵՍԱՆՅՈՒԹ
Քաղաքականություն
27.04.2021 | 16:44
Բազմակողմանի տեղեկություններ չունեմ: Պատկան մարմինները պետք է զբաղվեն: Ամեն ինչ պետք է արվի, որ միջադեպերը կանխվեն: Եթե ադրբեջանցի զինծառայողները բռնություն են կիրառվել մեր հովվի նկատմամբ, այս հարցը պետք է մանրամասն քննվի և ներկայացվի նաև պատասխանատու խաղաղապահ ուժերին, և նրանք նույնպես պետք է միջոցներ ձեռնարկեն, որ այսպիսի դեպքեր չլինեն, բայց հնարավոր չէ բացառել, որ այսպիսի դեպքեր կլինեն: Այս մասին այսօր լրագրողների հետ զրույցում նշեց Սյունիքից ընտրված պատգամավոր Արմեն Խաչատրյանը՝ անդրադառնալով Արավուս գյուղի հովվի հետ կապված միջադեպին:
Ինչ վերաբերում է Մարդու իրավունքների պաշտպանի առաջարկին, որ անվտանգության գոտի ստեղծվի, Խաչատրյանը նշեց. «Շատ լավ կլինի, սակայն պետք է նաև հաշվի առնել հնարավորությունները և դրանց հասնելու ճանապարհները ինչքանով են ռեալ: Բնական է, որ նմանօրինակ միջադեպեր կարող են հանդիպել, այնպես չէ, որ մեր հարևանը Շվեյցարիան է, ու օրենքի տառին համապատասխան իրականացնում են փաստաթղթով ամրագրված պարտավորությունները, բայց որ ասենք Սյունիքում այս պահին լուրջ անվտանգային խնդիրներ կան ու այնտեղ բնակվելը վտանգավոր է՝ այդպես չէ»:
Արմեն Խաչատրյանի հավաստմամբ՝ այս պահին սահմանի ամբողջ երկայնքով տեխնիկական միջոցներ, փշալարեր, տեսահսկման սարքեր են տեղադրվում, թե երբ կավարտեն ողջ երկայնքով կահավորումը՝ պարզ չէ:
Մանրամասները՝ տեսանյութում:
