18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Սպորտային մարմնամարզության Եվրոպայի առաջնություն. Հայաստանի թիմը սպասելիքներն արդարացնում է
23.04.2021 | 11:45
Շվեյցարիայի Բազել քաղաքում ընթացքի մեջ է սպորտային մարմնամարզության Եվրոպայի առաջնությունը: Անկախ վերջնական արդյունքներից, կարող ենք ասել, որ Հայաստանի թիմը սպասելիքներն արդարացնում է: Նկատի ունենք այն, որ մեր հինգ պատվիրակներից չորսը նախնական փուլում գոհացնող մրցելույթներ ունեցան և իրենց համար տեղ ապահովեցին եզրափակիչում. տեղեկացնում է ՀԱՕԿ-ը:
Առանձին գործիքներից վարժություններում ուժեղագույն ությակ մտան Եվրոպական խաղերի չեմպիոն, Տոկիոյի խաղերի ուղեգիր նվաճած Արթուր Դավթյանը / հենացատկ և նժույգ թափեր/, Վահագն Դավթյանը, Արթուր Ավետիսյանը՝ / երկուսն էլ ՝ օղակներ / և մեծահասակների Եվրոպայի առաջնության նորեկ Գագիկ Խաչիկյանը / նժույգ թափեր /:
Խոստումնալից մարմնամարզիկներ Գագիկ Խաչիկյանը և Արմեն Պետրոսյանը հանդես եկան բազմամարտում և 68 մրցակիցների պայքարում գրավեցին համապատասխանաբար 20-րդ ու 35-րդ տեղերը:
Մրցաշարը կավարտվի ապրիլի 25 –ին:
