18.12.2025 | 20:30
Պուտինի հանցագործ ռեժիմը սնվում է պատերազմից՝ նոր էսկալացիայի կգնա, որ պատերազմը չդադարի․ Վահե Գասպարյան. ՏԵՍԱՆՅՈՒԹ
Առկա է հանցագործության առերևույթ դեպք. փոխոստիկանապետը՝ Մեղրիի համայնքապետին ՔԿ հրավիրելու մասին. ՏԵՍԱՆՅՈՒԹ
Հասարակություն
22.04.2021 | 12:50
Առերևույթ խուլիգանության դեպքեր են տեղի ունեցել, ոստիկանությունը ձեռնարկել է համապատասխան միջոցառումներ, մեկնաբանելով Սյունիքից որոշ անձանց բերման ենթարկելու դեպքերը՝ կառավարությունում լրագրողների հետ զրույցում ասաց ՀՀ ոստիկանության պետի տեղակալ Արա Ֆիդանյանը:
Անդրադառնալով Մեղրիի քաղաքապետին՝ Ֆիդանյանն ընդգծեց, որ առկա է առերևույթ հանցագործության կատարման դեպք, որի կապակցությամբ իրականցվում են միջոցառումներ:
«Մեղրիի համայնքապետն այս պահի դրությամբ չի կալանավորվի, քանի որ որպես խափանման միջոց կալանքն ընտրվում է դատարանի կողմից»,- ասաց Ֆիդանյանը:
Մեկնաբանելով համայնքապետի դատավարական կարգավիճակ չունենալու հանգամանքը՝ փոխոստիկանապետն ասաց, որ անձինք դատավարական կարգավիճակ ձեռք են բերում որոշակի գործողությունների արդյունքում. «Բերման ենթարկելիս անձին միանգամից դատավարական կարգավիճակ չի շնորհվում»:
Փոխոստիկանապետը մանրամասնեց, որ բերման ենթարկվածները ոչ թե հարյուրավորներն են, այլ 2-3 հոգի: Նա նաև նշեց, որ Սյունիքում ոստիկանների գործողությունները լիովին համաչափ են եղել:
Մանրամասները՝ տեսանյութում:
