17.09.2026 | 13:10
«Հույսը ծրագիր չէ»․ ՄԹ դեսպանը՝ Հայաստանի անվտանգության և դիմակայունության մասին․ ՏԵՍԱՆՅՈՒԹ
Չարենցավանի բժշկական կենտրոնը կբարեկարգվի. ԱՆ
Հասարակություն
21.04.2021 | 14:25
Մարզային առողջապահական համակարգի համաչափ զարգացման խնդիրը մշտապես գտնվում է ՀՀ կառավարության (ՀՀ առողջապահության նախարարության) ուշադրության կենտրոնում: Այդ խնդրի լուծումն ապահովելու համար ՀՀ ԱՆ-ն հետևողական քայլեր է ձեռնարկում` ուղղված մարզային բժշկական հաստատությունների գործունեության արդյունավետության բարձրացմանը, ենթակառուցվածքների բարելավմանը, բժշկական սարքավորումների արդիականացմանը և բժշկական օգնության որակի և մատչելիության բարձրացմանը, հայտնում է ՀՀ ԱՆ մամուլի ծառայությունը։
Բժշկական կենտրոնների նորոգման ու վերակառուցման ծրագրի շրջանակներում կիրականացվի նաև Կոտայքի մարզի Չարենցավանի բժշկական կենտրոնի բարեկարգումը: Ծրագրի իրագործման համար նախատեսված է 230 միլիոն դրամ:
Պետական բյուջեի շրջանակներում նախատեսվում է կցակառույցի կառուցում, արտաքին վերելակի տեղադրում և մուտքային հանգույցի կառուցում: Նոր կցակառույցը կլինի շուրջ 357 քմ, որտեղ կտեղակայվի կենտրոնական ախտահանման բաժանմունքը, ներհիվանդանոցային դեղատունը և նիստերի դահլիճը։
Նշենք, որ ներկա պահին բժշկական կենտրոնը սպասարկում է 35 մահճակալ, ինչպես նաև ունի ինտենսիվ բուժման սրահ՝ 4 մահճակալով: Շինարարական աշխատանքները կտևեն 6 ամիս:
