11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Բաքուն պատասխանել է Ալիևի հայտարարության մասին ՀՀ ԱԳՆ-ի արձագանքին
Քաղաքականություն
21.04.2021 | 17:35
Ադրբեջանի ԱԳՆ-ն պատասխանել է Իլհամ Ալիևի՝ Զանգեզուրի միջանցքի մասին հայտարարություններին ՀՀ ԱԳՆ արձագանքին։ Բաքվից հայտնել են, որ Զանգեզուրի միջանցքի մասին Ալիևի հայտարարություններում «բացակայում են ՀՀ տարածքային անվտանգությանը սպառնալիքները», գրում է ՏԱՍՍ-ը։
Ադրբեջանի ԱԳՆ-ի ներկայացմամբ՝ «դա Հայաստանի տարածքային ամբողջականությանը սպառնալիք չէ, այլ Բաքվի վճռականության ցուցանիշ՝ պատասխանել Հայաստանի կողմից միջազգայնորեն ճանաչված Ադրբեջանի սահմանների շրջանակում մեր երկրի տարածքային ամբողջականությանը ցանկացած սպառնալիքին»։
Հիշեցնենք՝ երեքշաբթի Ալիևը հեռուստատեսային հարցազրույցում հայտարարել էր, թե «Ադրբեջանը կհասնի Զանգեզուրի միջանցքի ստեղծմանը՝ անկախ Հայաստանի ցանկությունից»: Նա հավելել էր, որ եթե Հայաստանը դա ցանկանա, ապա հարցն ավելի հեշտ կլուծվի, իսկ եթե չցանկանա, «ադրբեջանական կողմը պատրաստ կլինի այն լուծել ուժով»:
Հայաստանի ԱԳ նախարարությունը դատապարտել էր Ադրբեջանի նախագահի հայտարարությունը՝ նշելով, որ Հայաստանը վճռական է պաշտպանել իր ինքնիշխանությունը և տարածքային ամբողջականությունը, ինչպես նաև հայտարարել էր, որ Լեռնային Ղարաբաղում ռազմական գործողությունների դադարեցման մասին 2020թ. նոյեմբերի 9-ի հայտարարությունը չի ենթադրում Ադրբեջանից Զանգեզուրով միջանցքի բացում դեպի Նախիջևան:
Տաթև Ֆռանգյան
