18.12.2025 | 19:39
Կայացել է ՀՀ-ԱՄՆ աշխատանքային խմբի անդրանիկ հանդիպումը
Որպես պատգամավոր ավելի լավ է՝ ելույթ չունենան․ արցախցի պաշտոնյան քննադատեց «Իմ քայլի» պատգամավորներին. ՏԵՍԱՆՅՈՒԹ
Քաղաքականություն
19.04.2021 | 14:27
Կարծում եմ, որ այս հարցում պետք է բացառել ցանկացած քաղաքական շահարկում: Ապրիլի 19-ին Հայաստանի Ազգային ժողովում Ադրբեջանում անօրինական կերպով պահվող հայ գերիների վերադարձի վերաբերյալ աշխատանքային քննարկման ժամանակ այս մասին ասաց Ղարաբաղի Արտակարգ իրավիճակների պետական ծառայության պետի տեղակալ Բորիս Ավագյանը՝ մեկնաբանելով հարցն այն մասին, թե ինչու Ղարաբաղում ռուսական խաղաղապահ առաքելության օդանավն առանց հայ ռազմագերիների Բաքվից Երևան վերադարձավ:
Ըստ նրա՝ այս հարցը կամ թե ինչու է գործընթացը հասել այս փուլին, իմաստ չունի քննարկել: Ավագյանը նշեց, որ գերեվարված զինվորի ցանկացած ծնողի համար յուրաքանչյուր վայրկյան իսկական դժոխք է:
«Ինձ ապշեցնում է, թե որքան ուժեղ են այն ծնողները, ովքեր շարունակում են պայքարել իրենց երեխաներին վերադարձնելու համար:
Այս խնդիրը լուծելու համար մենք պետք է վերլուծություն անցկացնենք, իսկ դրա համար անհրաժեշտ է հասկանալ տեղեկատվական դաշտը: Ես զարմացած եմ, որ իշխող «Իմ քայլը» դաշինքի պատգամավորները նոր չարաշահումների սկիզբ են դրել. ասում են, որ գերիներին վերադարձնելու համար անհրաժեշտ է դիմել ռուսական կողմին: Իմ կարծիքով, դա անընդունելի է: Եթե պատգամավորն իրեն թույլ է տալիս իր քաղաքացիներին ուղարկել արտասահմանյան երկրների դեսպանների մոտ, ապա Ազգային ժողովը նրա տեղը չէ: Ավելի լավ կլինի, եթե այսուհետ ելույթ չունենան»,- ընդգծեց Արտակարգ իրավիճակների պետական ծառայության պետի տեղակալը: Նրա կարծիքով՝ նման հայտարարությունները մեծ և տեղին վրդովմունք են առաջացնում քաղաքացիների շրջանում:
Մանրամասները՝ տեսանյութում:
