11.09.2026 | 11:54
ՀՀ քննչական կոմիտեի և ՉԺՀ հանրային անվտանգության նախարարության միջև ստորագրվել է փոխըմբռնման հուշագիր
Պատերազմ անցած տղաներն էլի դիրքեր են բարձրանում, բահով խրամատ են փորում. ժամկետայինի ծնող. ՏԵՍԱՆՅՈՒԹ
Հասարակություն
19.04.2021 | 13:44
Այսօր Կառավարության շենքի մոտ էին հավաքվել ժամկետային զինծառայողների ծնողները։ Նրանք վարչապետից պահանջում են, որպեսզի իրենց որդիների զինծառայության ժամկետը վերանայվի, քանի որ տղաները պատերազմից հետո ֆիզիկապես և հոգեպես պատրաստ չեն ծառայությունն ամբողջ ծավալով շարունակելու։
«Դժվար է ասել՝ պետք է զորացրեն։ Բնական է, պետք է սահմանը պահողներ էլ լինեն։ Հասկանում ենք Կառավարությանը, որ պետք է ծառայողներին փոխարինողներ գտնեն։ Ուղղակի երեխաները ծանր ապրումներ ունեն»,- ասաց զինծառայողներից մեկի մայրը։
Ինչ վերաբերում է դիրքեր գնալուն, ժամկետայինի ծնողն ասաց․ «Պատերազմ անցած տղաներն էլի դիրքեր են բարձրանում, բահով խրամատ են փորում։ Ամբողջ ժամանակ կանգնած են մնում։ Իրենք են իրենց համար ճաշ եփում։ Բայց լինում է նաև, որ այնքան են հոգնում, որ չեն հասցնում կերակուր պատրաստել»։
Ժամկետայինի ծնողը շեշտեց, որ այս և իրենց կողմից բարձրաձայնվող այլ հարցերի շուրջ Պաշտպանության նախարարությունից ոչինչ չեն ասում։
Մանրամասները՝ տեսանյութում։
Մերի Մարտիրոսյան
