30.06.2026 | 16:15
Կրեմլը խոստովանել է, որ ՌԴ-ն բանակցություններ է վարում նավթամթերքի ներմուծման հարցով
Այսօր ունենք հավատի կորուստ․ շատ ծանր վիճակի մեջ ենք լինելու հետագայում․ Սասուն Միքայելյան. ՏԵՍԱՆՅՈՒԹ
Հասարակություն
19.04.2021 | 13:29
Երկրապահ կամավորականների միությունում մեկնարկել են մարզային այցերը: Ապրիլի 15-ին ԵԿՄ վարչության նախագահ Սասուն Միքայելյանի գլխավորությամբ վարչության անդամ, գեներալ Մարտին Կարապետյանը, վարչության անդամներ, ԵԿՄ տարածքային բաժանմունքների մարզխորհրդի նախագահներ, անդամներ Սյունիքի մարզում էին։ Աշխատանքային խորհրդակցություն, հանդիպում-քննարկում է անցկացվել Սյունիքի մարզպետարանում:
Հանդիպումից հետո Կապանի Գարեգին Նժդեհ հուշահամալիրի մոտ անցկացվել է հուշ-ցերեկույթ. Սասուն Միքայելյան հանդես է եկել ելույթով. «Մենք կարողացել ենք, մեր ձեռագիրն ենք թողել Արցախյան առաջին պատերազմում, մենք հաղթել ենք։ Գրեթե 600 տարի հետո մենք կարողացանք հաղթել։ Ինչի համար հաղթեցինք, ավելի վատ ժամանակաշրջան ենք ապրել, կտրոնով հաց էին տալիս, տեսաք՝ ինչ վիճակ էր 90-ականներին, բայց կար հավատ, մենք կարողացանք համախմբվել, և այդ ջոկատային պայքարն ավելի մեծ արդյունք տվեց՝ ի դեմս Վազգեն Սարգսյանի։
Այսօր մենք ունենք հավատի կորուստ։ Եթե մի ազգ կորցրեց հավատը, շատ ծանր վիճակի մեջ է լինելու։ Ես բոլորիդ համախմբման կոչ եմ անում, հիշեք՝ հային միայն հայն է հաղթել»։
Մանրամասները՝ տեսանյութում:
