17.09.2026 | 14:49
Տեղեկություն Կիպրոս – Հայաստան հանդիպման տոմսերի վերաբերյալ
Մինչև պատերազմի ավարտը մեր երեխեքը քաջեր էին, ասպետներ էին, իսկ հիմա անտեսված են. ժամկետայինի ծնող. ՏԵՍԱՆՅՈՒԹ
Հասարակություն
19.04.2021 | 13:07
Ոչ թե զորացրում, այլ ծառայության ժամկետի կրճատում․ սա է ժամկետային զինծառայողների ծնողների պահանջը։
«Բոլորս էլ պատկերացնում ենք՝ 44 օր կռիվ տեսնելուց հետո երեխաներն ինչ վիճակում են։ Պաշտոնյաները շատ լավ էլ գիտակցում են վիճակը․ իրենք չգիտե՞ն, որ 44 օր կռիվ եղավ։ Մինչև պատերազմի ավարտը մեր երեխեքը հերոսներ էին, քաջեր էին, ասպետներ էին, իսկ հիմա անտեսված են։ Քաջերն ու ասպետները միայն ծնողների համար են մնացել քաջեր ու ասպետներ։ Շնորհակալություն և՛ հասարակությանը, և՛ կառավարությանը, և՛ պատկան մարմիններին, որ այսօր մեր երեխեքին անտեսել են»,- ասաց Կառավարության շենքի մոտ ցույցի մասնակից ժամկետայիններից մեկի ծնողը։
Նա, ի թիվս տասնյակ այլ ծնողների, պահանջում է, որպեսզի տղաների ծառայության ժամկետը գոնե 6 ամսով կրճատվի։
Նշենք, որ Կառավարության մոտ այսօր բողոքի ակցիա իրականացնող ծնողներից մի քանիսը հանդիպում ունեցան վարչապետ Նիկոլ Փաշինյանի հետ, սակայն խնդրին առայժմ լուծում չի տրվել։
Մանրամասները՝ տեսանյութում։
Մերի Մարտիրոսյան
