09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
Ապրիլի 24-ին Ծիծեռնակաբերդ այցելելու համար, COVID-ով պայմանավորված, սահմանափակումներ չեն լինի
Հասարակություն
19.04.2021 | 12:41
Ի տարբերություն 2020 թվականի, այս տարի ապրիլի 24-ին Ծիծեռնակաբերդի հուշահամալիր այցելելու հետ կապված սահմանափակումներ չեն լինի։ Այս մասին այսօր հայտարարեց ՀՀ վարչապետի գլխավոր խորհրդական Արայիկ Հարությունյանը։
«Բարդ կլինի սոցիալական հեռավորություն պահպանել, բայց կարևոր է, որ դիմակների պատշաճ կրում լինի, ինչը մեծապես կանխարգելում է կորոնավիրուսի տարածումը։ Յուրաքանչյուրս մեր հերթին պետք է զգոնություն ցուցաբերենք և առավելագույնս պահպանենք հակահամաճարակային կանոնները, որպեսզի և՛ ապահովենք այցելությունները Ծիծեռնակաբերդի հուշահամալիր, և՛ միաժամանակ զերծ մնանք կորոնավիրուսով պայմանավորված հիվանդությունների թվի մեծ աճից»,- նշեց Հարությունյանը։
Հիշեցնենք՝ 2020 թվականի ապրիլի 24-ին, կորոնավիրուսային համավարակով պայմանավորված, Ցեղասպանության հուշահամալիր մուտքը փակվել էր, քաղաքացիների այցը՝ արգելվել։
Նելլի Մելքոնյան
