09.06.2026 | 00:17
Մարկո Ռուբիոն շնորհավորել է Փաշինյանին
Ի՞նչ միջոցառումներ են նախատեսված Երևանում ապրիլի 24-ին․ Արայիկ Հարությունյանը մանրամասնում է. ՏԵՍԱՆՅՈՒԹ
Հասարակություն
19.04.2021 | 12:30
«Հիշատակի եռերգություն» կոչվող միջոցառումների շարքում ապրիլի 23-ին՝ ժամը 23։00-ին, Ծիծեռնակաբերդի հուշահամալիրում կհնչի Ջուզեպպե Վերդիի «Ռեքվիեմ»-ը։ Նույն օրը կեսգիշերին Կամերային երաժշտության տանը կհնչի Մոցարտի «Ռեքվիեմ»-ը։ Այս մասին այսօր հրավիրված ասուլիսին հայտարարեց ՀՀ վարչապետի գլխավոր խորհրդական Արայիկ Հարությունյանը։
«Ապրիլի 24-ին ժամը 19։15-ին մարզահամերգային համալիրում կկատարվի Տիգրան Մանսուրյանի «Ռեքվիեմ»-ը»,- նշեց Հարությունյանը։
Նրա խոսքով՝ ապրիլի 24-ին մայրաքաղաքի շարք ճանապարհներ փակ են լինելու․ մասնավորապես՝ Հաղթանակի կամրջից մինչև Լենինգրադյան փողոց և Վերֆելի փողոցից մինչև Բրազիլիայի հրապարակ։
«Առավոտյան 9-ից 10-ը մուտքը Ծիծեռնակաբերդ ժամանակավորապես կսահմանափակվի՝ պաշտոնական այցելություններով պայմանավորված»,- նշեց Արայիկ Հարությունյանը։
Մանրամասները՝ տեսանյութում։
Նելլի Մելքոնյան
