09.06.2026 | 00:17
Մարկո Ռուբիոն շնորհավորել է Փաշինյանին
ՄԻՊ-ն ու լրագրողները քննարկել են մարդկանց իրավունքներին առնչվող հարցեր
Հասարակություն
19.04.2021 | 11:48
Մարդու իրավունքների պաշտպանի աշխատակազմը Կոնրադ Ադենաուեր հիմնադրամի աջակցությամբ ապրիլի 17-18-ին Դիլիջանում լրագրողների համար կազմակերպել էր սեմինար։
Բացման խոսքով հանդես են եկել ՀՀ մարդու իրավունքների պաշտպան Արման Թաթոյանն ու Կոնրադ Ադենաուեր հիմնադրամի «Քաղաքական երկխոսություն Հարավային Կովկաս» տարածաշրջանային ծրագրի տնօրեն Թոմաս Շրապելը: Արման Թաթոյանը բարձր է գնահատել Կոնրադ Ադենաուեր հիմնադրամ հետ համագործակցությունը, ինչպես նաև շեշտել երևանյան գրասենյակի ղեկավար Լիանա Մարուքյանի հետ արդյունավետ աշխատանքը:
Թոմաս Շրապել կարևորել է Մարդու իրավունքների գործունեությունը և հաստատության ու լրագրողների միջև համագործակցության խթանումը:
Արման Թաթոյանը մասնակիցներին ներկայացրել է Մարդու իրավունքների պաշտպանի գործունեության առանձնահատկությունները, արտակարգ դրության ժամանակ մարդու իրավունքների եւ ազատությունների պաշտպանության խնդիրները և այլն:
Սեմինարի ընթացքում լրագրողները քննարկել են մարդու իրավունքների պաշտպանությանը վերաբերող բազմաթիվ այլ հարցեր։
