Քաղաքականություն
19.04.2021 | 11:08
Ազգային ժողովը երկրորդ ընթերցմամբ և ամբողջությամբ ընդունեց «Լուսավոր Հայաստան» խմբակցության ներկայացրած օրենքի նախագիծը, որով նախատեսվում է մեկ անգամ զորակոչից տարկետման իրավունք տալ քոլեջների և ուսումնարանների վերջին կուրսերի ուսանողներին մինչև ուսումնառության վերջին օրը ներառյալ, սակայն ոչ ավելի քան ուսանողի 20 տարին լրանալու օրը:
«Զինվորական ծառայության և զինծառայողի կարգավիճակի մասին» Հայաստանի Հանրապետության օրենքում փոփոխություններ և լրացումներ կատարելու մասին օրենքի նախագիծը երկրորդ ընթերցմամբ և ամբողջությամբ ընդունվեց 103 «կողմ» և 2 «ձեռնպահ» ձայների հարաբերակցությամբ:
