18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Թբիլիսիում բանկում մարդկանց պատանդ վերցրած հանցագործը ձերբակալված է, պատանդներն՝ ազատված
Քաղաքականություն
16.04.2021 | 15:11
Թբիլիսիում «Վրաստանի բանկի» մասնաճյուղում պատանդ վերցնողին ձերբակալել են։ Այս մասին դեպքի վայրից հայտնում է Sputnik Georgia-ի թղթակիցը:
Թբիլիսիի Հավլաբարի շրջանում գտնվող «Վրաստանի Բանկի» մասնաճյուղի վրա հարձակումը տեղի է ունեցել ուրբաթ օրը՝ կեսօրին: Ըստ բանկի հայտնած տեղեկությունների՝ հարձակման պահին բանկում եղել է հինգ մարդ: Հանցագործին ձերբակալելու հատուկ գործողությունը տևել է շուրջ մեկուկես ժամ:
«Հարձակվողը ձերբակալված է, պատանդներն ազատ են արձակված, ոչ ոք չի տուժել»,- լրագրողներին ասել է Թբիլիսիի ոստիկանության ղեկավար Վաժա Սիրաձեն։
Նա հավելել է, որ դեպքի առթիվ հետաքննություն է սկսվել։
«Այս փուլում չեմ կարող պատմել հարձակվողի պահանջների, այլ մանրամասների ու պատանդների թվի մասին»,- լրագրողներին ասել է Սիրաձեն։
Հիշեցնենք՝ վերջին մի քանի ամիսների ընթացքում Վրաստանում գրանցվել է անմիջապես մի քանի բանկերում պատանդ վերցնելու դեպքեր։
Տաթև Ֆռանգյան
