17.09.2026 | 11:16
Կիևում ռուսական հարձակման հետևանքով տուժել է 16 մարդ, Օդեսայում ՝ բնակելի շենք վնասվել
«Ազատություն» ռադիոկայանը և «Նաստոյաշեե վրեմյա» լրատվականներն իրենց մոսկովյան գրասենյակում աշխատողներին առաջարկել են հեռանալ ՌԴ-ից
Քաղաքականություն
14.04.2021 | 21:51
«Ազատություն» ռադիոկայանի և «Նաստոյաշեե վրեմյա» հեռուստաալիքի ղեկավարությունը, որը «Ազատություն» ռադիոկայանի և «Ամերիկայի ձայնի» համատեղ նախագիծն է, առաջարկել են իրենց մոսկովյան բյուրոյի աշխատակիցների գոնե մի մասին հեռանալ Ռուսաստանից, գրում է BBC-ի ռուսական ծառայությունը:
Որոշ աշխատակիցների նախատեսվում է մայիսին տեղափոխել Կիև և Պրահա:
Հիշեցնենք՝ այս երկու լրատվականները 2017 թվականին Ռուսաստանի արդարադատության նախարարության կողմից ճանաչվել են որպես օտարերկրյա գործակալներ։ Վերջերս Ռուսաստանում օտարերկրյա գործակալների տուգանքների մասին ընդունված օրենքի համաձայն՝ այս լրատվականները տուգանվել են ավելի քան 70 միլիոն ռուբլով։ «Ռոսկոմնադզորը» բողոքել է, որ այդ լրատվականների հոդվածներում բացակայում է «օտարերկրյա գործակալ» նշագրումը։
BBC-ին «Ազատություն» ռադիոկայանից հայտնել են մոսկովյան գրասենյակը «բաց ու գործող» պահելու և «Կրեմլի հարձակումներին» դիմագրավելու մտադրության մասին։
Տաթև Ֆռանգյան
