18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Գերեվարվածների հարազատներն այժմ Շիրակի մարզպետարանում չեն, ակցիան ավարտվել է
Քաղաքականություն
14.04.2021 | 16:25
Գերեվարվածների հարազատներն այժմ Շիրակի մարզպետարանում չեն, ակցիան ավարտվել է։ Այդ մասին Factor TV-ին փոխանցեց Շիրակի մարզպետարանի տեղեկատվության և հասարակայնության կապերի բաժնի ժ/պ Արաքսյա Կիրակոսյանը։
Ի՞նչ պայմանավորվածություն է ձեռք բերվել՝ հարցին վերջինս նշեց, որ տեղեկություն չունի, քանի որ չի մասնակցել հանդիպմանը։
«Մարզպետի հետ անընդհատ են հանդիպումները, եթե հարազատները մարզպետարանում են, դա նշանակում է՝ ամեն վայրկյան կարող են մարզպետի հետ հանդիպել։ Ինչի արդյունքում եղավ, ի՞նչ են պայմանավորվել, չեմ կարող ասել, անձամբ չեմ մասնակցել և անգամ չգիտեմ կոնկրետ ովքեր են հանդիպել գերիների հարազատների հետ։ Միայն կարող եմ ասել, որ գերեվարվածների հարազատներն այս պահին մարզպետարանում չեն, ակցիան դադարեցված է, մարզպետարանը կանցնի բնականոն աշխատանքի»,- ասաց Արաքսյա Կիրակոսյանը։
Գերիների հարազատների հետ ովքե՞ր են բանակցել՝ հարցին Կիրակոսյանը նշեց՝ ուժային կառույցների ներկայացուցիչները, բայց կոնկրետ անուններ չփոխանցեց, նշելով, որ տեղյակ չէ։ Բանակցություններից այլ մանրամասներ ևս չփոխանցեց՝ շեշտելով, որ եթե բանակցությունները լինեին հանրային, ապա հարազատներն անձամբ տեղեկություն կփոխանցեին, կհանրայնացնեին։
Իրինա Մկրտչյան
